Pilatus Aircraft

Pilatus Aircraft Ltd. é un construtor aeroespacial situado en Stans, Suíza. En abril de 2022 a compañía empregaba a máis de 2 000 traballadores.^[1]

Pilatus Aircraft
Fundación	10 de decembro de 1939
Localización	Stans, Suíza
Industria	aeroespacial
Na rede
http://www.pilatus-aircraft.com/
[ editar datos en Wikidata ]

A compañía produciu principalmente avións para mercados nicho, en particular avións de engalaxe e aterraxe curtas (STOL) e avións militares de adestramento. Durante os anos 50 e 60 Pilatus desenvolveu un transporte civil lixeiro STOL, o PC-6 Porter. En 1973 decidiu reiniciar os traballos do programa PC-7, e o avión entrou en produción como o PC-7 Turbo Trainer. En 1979 Pilatus mercou Britten-Norman, fabricante dos Britten-Norman Islander e Britten-Norman Defender. Nos anos 80 a compañía desenvolveu o PC-9, un derivado mellorado do PC-7.

Durante os anos 90 Pilatus abriuse a un mercado civil máis amplo coa introdución do PC-12, un avión turbohélice monomotor do cal fabricou máis de 1 700 unidades. Nos anos 2000 introduciu un novo membro da súa familia de adestradores militares, o turbohélice PC-21. Nos anos 2010 a compañía desenvolveu o PC-24, un reactor bimotor STOL capaz de operar dende pistas non pavimentadas.

Avións

	Nome	Descrición
	Pilatus SB-1	1939 proxecto STOL experimental[2]
	Pilatus SB-2	1941 transporte STOL, 1 construído
	Pilatus SB-5 "Super-Pelican"	1944 proxecto de transporte STOL[2]
	Pilatus P-1	1941 proxecto de adestrador monopraza
	Pilatus P-2	1945 adestrador
	Pilatus P-3	1953 adestrador
	Pilatus P-4	1948 prototipo de transporte STOL
	Pilatus P-5	1951 proxecto de observador de artillaría
	Pilatus PC-6	1959 transporte STOL
	Pilatus PC-7	1966 adestrador turbohélice
	Pilatus PC-8D	1967 prototipo de transporte STOL
	Pilatus PC-9	1984 adestrador turbohélice
	Pilatus PC-10	1970 proxecto de transporte bimotor
	Pilatus B-4	1972 planador
	Pilatus PC-12	1991 turbohélice monomotor de transporte/executivo
	Pilatus PC-21	2001 adestrador turbohélice
	Pilatus PC-24	2014 reactor de transporte/executivo bimotor

Notas

1. "The Pilatus Group". Pilatus Aircraft Ltd (en inglés). Consultado o 2022-04-27.
2. Pilatus SB-2 Pelican: Das Schweizer Bergflugzeug 1938–1949. Studienbüro für Spezialflugzeuge, Kuno Gross, ISBN 978-3-7494-3640-8.

Véxase tamén

Ligazóns externas

• Páxina web