Período orbital

O período orbital (tamén chamado período de revolución orbital) e o tempo que tarda un planeta, un satélite, ou outro obxecto orbitante en completar a súa órbita.

Cando se fala de obxectos orbitantes arredor do Sol existen dous tipos de períodos orbitais:

• O período sideral é a medida do tempo que tarda o obxecto en completar unha volta arredor do Sol, tomando como punto de referencia unha estrela fixa. Considerase como o auténtico período orbital do obxecto, sendo o que ollaría un observador inmóbil que non orbitara arredor do sol.
• O período sinódico é a medida do tempo que tarda o obxecto en volver aparecer no mesmo punto do ceo respecto do Sol, cando se observa dende a Terra. Este período ten en conta que a Terra, lugar dende onde se observa o obxecto, tamén orbita arredor do Sol. E, polo tanto, o tempo que transcorre entre dúas conxuncións sucesivas co Sol, sendo así mesmo o período orbital aparente.

O período sideral e o sinódico difiren dado que a Tierra, á súa vez, da voltas arredor do Sol.

Relación entre o período sideral e o período sinódico

Copérnico estableceu unha fórmula matemática relacionando os períodos sideral e sinódico dun planeta. Sendo:

E = o período sideral do planeta Terra (o ano sideral, non equivale ao ano trópico).

P = o período sideral do outro planeta.

S = o período sinódico do outro planeta (observado dende a Terra).

Perante un tempo S, a Terra movese nun ángulo de (360°/E)S (asumindo unha orbita circular) e o planeta movese (360°/P)S.

No caso dun planeta interior (un planeta que tarda menos que a Terra en dar unha volta ao Sol).

${\displaystyle {\frac {S}{P}}360^{\circ }={\frac {S}{E}}360^{\circ }+360^{\circ }}$

e usando a álxebra obtense

${\displaystyle P={\frac {1}{{\frac {1}{E}}+{\frac {1}{S}}}}}$

Para un planeta exterior, derívase de xeito análogo:

${\displaystyle P={\frac {1}{{\frac {1}{E}}-{\frac {1}{S}}}}}$

En xeral, coñecendo o período sidereo doutro planeta e o da Terra, P e E, o período sinódico pode ser facilmente calculado:

${\displaystyle S={\frac {1}{\left|{\frac {1}{E}}-{\frac {1}{P}}\right|}},}$

Véxase tamén

Outros artigos

• Órbita.
• Inclinación orbital.
• Semieixo maior.
• Semieixo menor .
• Excentricidade.