O libro verde (en inglés: Green Book) é un filme estadounidense de 2018 dirixido por Peter Farrelly. Ambientado no ano 1962, inspírase na historia real dunha xira musical do pianista clásico e de jazz afroamericano Don Shirley (Mahershala Ali) polo Deep South acompañado do italoamericano Frank "Tony Lip" Vallelonga (Viggo Mortensen), que serve como condutor e gardacostas de Shirley. O filme foi escrito por Farrelly, Brian Hayes Currie e o fillo de Vallelonga, Nick Vallelonga, baseándose en entrevistas co seu pai e con Shirley, así como en cartas que o seu pai lle escribiu á súa nai.[7] O filme recibe o seu título por The Negro Motorist Green Book, unha guía de mediados do século XX para viaxeiros afroamericanos escrita por Victor Hugo Green.
| O libro verde | |
|---|---|
| Ficha técnica | |
| Título orixinal | Green Book |
| Director | Peter Farrelly |
| Produtor |
|
| Guión |
|
| Intérpretes |
|
| Música | Kris Bowers |
| Fotografía | Sean Porter |
| Montaxe | Patrick J. Don Vito |
| Estudio | |
| Distribuidora | Universal Pictures[1] |
| Estrea | Festival de Toronto: 11 de setembro de 2018 16 de novembro de 2018 27 de abril de 2022 (TVG) |
| Duración | 130 minutos[3] |
| Orixe |  Estados Unidos |
| Xénero | Drama e comedia |
| Orzamento | 23 millóns de dólares[4] |
| Recadación | 306,7 millóns de dólares[5][6] |
| Na rede | |
| https://www.greenbookfilm.com/ e https://www.greenbookfilm.co.uk/ | |
             | |
O libro verde estreouse internacionalmente no Festival Internacional de Cinema de Toronto o 11 de setembro de 2018, onde gañou o premio People's Choice. Estreouse posteriormente nos cinemas dos Estados Unidos o 16 de novembro de 2018, distribuído por Universal Pictures, e recadou máis de 306 millóns de dólares en todo o mundo. O filme recibiu valoracións positivas por parte da crítica, con aclamacións ás interpretacións de Mortensen e Ali, aínda que recibiu tamén certo criticismo pola súa representación de Shirley.
O libro verde gañou o premio National Board of Review ó mellor filme de 2018, e tamén foi escollido como un dos 10 mellores filmes do ano polo American Film Institute. O filme recibiu numorosos galardóns e nomeamentos, e na 91ª edición dos Oscar gañou os premios de mellor filme, mellor guión orixinal e mellor actor secundario para Mahershala Ali.
Estreouse en galego o 27 de abril de 2022 a través da TVG.[8]
- Viggo Mortensen como Frank "Tony Lip" Vallelonga
- Mahershala Ali como Don Shirley
- Linda Cardellini como Dolores Vallelonga
- Sebastian Maniscalco como Johnny Venere
- Dimiter D. Marinov como Oleg
- Mike Hatton como George
- P.J. Byrne como Produtor executivo
- Iqbal Theba como Amit
- Joe Cortese como Gio Loscudo
- Maggie Nixon como Copa Coat Check Girl
- Von Lewis como Bobby Rydell
- Don Stark como Jules Podell
- Anthony Mangano como Copa Bouncer Danny
- Frank Vallelonga como Rudy Vallelonga
- Randal Gonzalez como Gorman
- Nick Vallelonga como Augie
- Tom Virtue como Morgan Anderson
- Brian Distance como Macon Cop #2
- Dennis W. Hall como Wise Guy Mags
- Brian Stepanek como Graham Kindell
- Montrel Miller como Birmingham Hotel Waiter
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
