Norte-Paso de Calais

Norte-Paso de Calais^[1] (en francés: Nord-Pas-de-Calais, en picardo: Nord-Pas-d'Calés, en flamengo occidental: Noord-Nauw van Cales) foi unha das 27 rexións de Francia ata a reforma territorial francesa de 2014. Estaba constituída polos departamentos de Norte e de Paso de Calais, e situada ao norte da Francia metropolitana, compartindo fronteira con Bélxica. A súa capital fora Lille.

Norte-Paso de Calais

Nord-Pas-de-Calais (fr)
Epónimo	Norte, Francia e Pas-de-Calais
Localización
50°28′00″N 2°43′00″L
Estado	Francia
Capital	Lille
Contén a división administrativa	Norte, Francia Pas-de-Calais
Poboación
Poboación	4.060.741 (2013) (327,11 hab./km²)
Lingua usada	Lingua picarda
Xeografía
Superficie	12.414 km²
Comparte fronteira con	Picardía Bélxica
Datos históricos
Creación	4 de xuño de 1960
Disolución	31 de decembro de 2015
Sucedido por	Altos de Francia
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	FR-O
Código NUTS	FR3
INSEE region code (en)	31

A maior parte da rexión formara parte dos Países Baixos do Sur, un territorio da rexión histórica dos Países Baixos baixo o Sacro Imperio Romano Xermánico e gobernado por Borgoña, e posteriormente por España e Austria. Gradualmente se tornou parte de Francia entre 1477 e 1678, especialmente durante o reinado de Lois XIV. As históricas provincias de Francia no seu territorio eran as de Artois, o Flandres Francés e o Hainaut Francés.

A área está densamente poboada, cunha proporción duns 330,8 h/km² e con arredor de 4,1 millóns de habitantes, o 7% do total de Francia. Ademais de Lille, a capital, outra cidade de importancia foi Calais, que serve de nó de conexións económicas con Dover, na Gran Bretaña.

Nome

O nome Norte-Paso de Calais combina os nomes dos departamentos que constitúen a rexión, os de Norte e Paso de Calais. Aínda que o nome francés do departamento é Pas-de-Calais, o consello rexional escribe o nome da rexión como Nord-Pas de Calais, sen guións.^[2]

A parte norte da rexión foi historicamente parte do Condado de Flandres, con Douai como capital. É por iso que tamén é chamada Países Baixos franceses (en francés: Pays-Bas français). Outros nomes alternativos son Rexión de Flandres-Artois, Altos de Francia e Picardía do Norte.

Notas

1. Ver entrada de «Roubaix». Diciopedia do século 21 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1837. ISBN 9788482893600.
2. Région Nord-Pas de Calais. "Qu'est ce que la Région?" (en francés). Arquivado dende o orixinal o 05 de xaneiro de 2011. Consultado o 17 de maio de 2014.]