Newcastle upon Tyne

Newcastle upon Tyne, coñecida habitualmente como Newcastle, é unha cidade de Inglaterra, do distrito de Tyne e Wear, na rexión de North East England.

Newcastle upon Tyne

Localización
54°58′40″N 1°36′48″O
Estado	Reino Unido
País	Inglaterra
Rexións	Nordeste de Inglaterra
Condado metropolitano	Tyne e Wear
Distrito metropolitano	Newcastle upon Tyne
Capital de	Nordeste de Inglaterra Newcastle upon Tyne
Poboación
Poboación	300.196 (2018) (2.633,3 hab./km²)
Lingua oficial	lingua inglesa
Xeografía
Superficie	114 km²
Bañado por	Río Tyne
Altitude	30 m
Datos históricos
Creación	século II
Evento clave 3 de febreiro de 1644 Asedio de Newcastle
Identificador descritivo
Código postal	NE
Fuso horario	UTC±00:00, horario estándar UTC+01:00, horario de verán
Prefixo telefónico	0191
Outro
Irmandado con	Singkawang (pt) Lagos, Nixeria Groninga - Groningen Hannover Gelsenkirchen (1948–) Nancy (1954–) Bergen (1968–) Atlanta (1977–) Haifa (1979–) Taiyuan (1985–2022) Newcastle (pt) (1987–) Gdańsk (2001–) Concello de Malmö (2003–) Henan (2008–) O Cabo Oriental (2008–) Hainan (2008–) Little Rock (2014–) Durban (2014–)
Sitio web	newcastle.gov.uk

A cidade é a vixésima máis poboada de Inglaterra, e a aglomeración de Tyneside, da que forma parte Newcastle, é a sexta aglomeración urbana máis poboada do Reino Unido.^[1]

Historia

Período Romano

Newcastle ten as súas orixes en época romana (século II), cando sobre un promontorio da beira esquerda do Tyne foi levantado un forte (Pons Aelius) que vixiaba unha ponte que salvaba o río. O forte, que formaba parte do muro de Adriano, tomou o nome familiar do propio emperador. A poboación de Pons Aelius para esta época estímase nuns 2.000 habitantes. O muro de Adriano aínda é visible en varias zonas de Newcastle; en particular, ao longo da West Road.

O Castelo.

O Castelo Novo (New Castle en inglés), que deu nome á cidade, foi construído polos normandos en 1080 sobre o soar do forte romano. Aínda se pode ver a súa torre da homenaxe e a porta principal.

Ao longo da Idade Media, Newcastle foi a fortaleza máis setentrional de Inglaterra. No século XIII, ante os constantes ataques escoceses, a cidade rodeouse dunha muralla de pedra de máis de 7 m de altura. Derrubada ao longo do século XIX, dela hoxe só quedan algúns vestixios.

En 1174, o rei de Escocia Guillerme I foi encarcerado en Newcastle. Ao longo do século XIV, en tres ocasións, a cidade logrou defenderse con éxito dos ataques escoceses. En 1400, Henrique IV creou o condado incorporado (county corporate) de Newcastle.

En dúas ocasións, durante o século XVII, os exércitos escoceses invadiron e ocuparon a cidade: en 1640 durante a Guerra dos Bispos e en 1644 durante a Guerra Civil Inglesa (logo dun cerco de tres meses).

Xeografía

Newcastle está situada no nordés de Inglaterra, no distrito metropolitano de Tyne and Wear. A cidade está situada na beira norte do río Tyne a unha latitude de 54.974° N e unha lonxitude de 1.614° W.

O chan debaixo da cidade está formada por estratos do Carbonífero.

Demografía

Newcastle é a cidade máis poboada da rexión, seguida de Sunderland. Recibe a honra de ser o símbolo urbano de Northumberland.

Economía

Newcastle xogou un papel importante durante a Revolución Industrial do século XIX, e foi un importante centro para a minería do carbón e a fabricación. As industria pesada en Newcastle descendeu na segunda metade do século XX. A cidade é hoxe recoñecida por compromiso coas cuestións ambientais, cun programa previsto para o Newcastle para converterse en "a primeira cidade neutral de carbono".^[2]

Infraestruturas

Central Station.

Hai un metro que conecta con outras cidades da rexión, como Gateshead, Sunderland, North Shields, South Shields e Tynemouth. O ferrocarril é subterráneo no centro da cidade. Tamén se pode usar o Metro para viaxar ao Aeroporto de Newcastle.

A cidade ten unha estación de ferrocarril (Central Station) que é parte da rede nacional de ferrocarrís. Cada día hai varios trens que viaxan directamente entre Newcastle e Londres (Kings Cros).

Desde o aeroporto de Newcastle pódese coller o wifi, que tarda 22 minutos en chegar ata o centro de Newcastle ou 55 minutos ata o centro de Sunderland.

Educación

Sitúanse en Newcastle a Universidade de Northumbria e a de Newcastle upon Tyne.

Cultura

Theatre Royal.

As cores da cidade son o negro e o branco. É o centro do dialecto Geordie, unha forma de pronunciar e falar peculiar a Northumbria e diferente do resto de Inglaterra.

Arquitectura e urbanismo

O Millenium Bridge é unha de moitas pontes que cruzan o Tyne cara a Gateshead. A cidade ten unha catedral, a de St Nicholas. O teatro principal da cidade é Theatre Royal que data de 1837.

Deportes

Newcastle é o fogar do equipo de fútbol Newcastle United Football Club.