Mica
mineral constituído por silicatos de potasio, aluminio, magnesio e ferro From Wikipedia, the free encyclopedia
mineral constituído por silicatos de potasio, aluminio, magnesio e ferro From Wikipedia, the free encyclopedia
As micas son un grupo de minerais constituídos por silicatos de potasio, aluminio, magnesio e ferro. Son uns minerais exfoliables en láminas moi delgadas e flexibles, dunha dureza moi baixa e moi brillantes. As variedades principais da mica pola súa abundancia son a biotita e a moscovita.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Mica | |
|---|---|
 | |
| Fórmula química | Diferente segundo a variedade |
| Clase | Silicatos |
| Subclase | Filosilicatos |
| Sistema cristalino | Monoclínico |
| Cor | Diferente segundo a variedade |
| Brillo | Anacarado |
| Dureza | 2-3 |
| Fractura | Irregular |
| Exfoliación | Perfecta, en láminas |
| Raia | Branca |
| Densidade | Diferente segundo a variedade |
As micas figuran entre os minerais máis abundantes da natureza. En total constitúen aproximadamente o 3.8% do peso da codia terrestre, encontrándose, fundamentalmente, en rochas intrusivas ácidas e xistos micáceos cristalinos. Encóntranse na natureza canda outros minerais (cuarzo, feldespato) formando vetas dentro de rochas, xeralmente, duras. É necesario realizar voaduras das rocas para despois eliminar os minerais estraños e obter así a mica en bruto. O rendemento desta explotación é moi baixo. A mica en bruto é posteriormente exfoliada, recortada e exfoliada de novo para pasar a ser clasificada de acordo co tamaño dos cadrados obtidos. Posteriormente, é clasificada de novo atendendo á transparencia, contido de minerais estraños, lisura da superficie etc.
No 2005, India tiña os maiores depósitos de mica no mundo. China era o maior produtor de mica con case un terzo de participación global seguida polos Estados Unidos, Corea do Sur e o Canadá, segundo a British Geological Survey.
As micas acostuman aparecer en forma de cristais tabulares hexagonais.
Segundo sexa a súa composición química as micas presentan diferentes variedades distinguibles de forma simple pola súa cor:
É frecuente a presenza de mica en granitos, pegmatitas, lousas, gneis, xistos micáceos e en todo tipo de rochas ricas en silicio.
As particulares características de elasticidade, flexibilidade e resistencia á calor das láminas de mica fan que constitúan un bo material para a industria debido as súas propiedades como illante eléctrico e térmico. A mica utilízase en aplicacións de alta responsabilidade como illamento de máquinas de alta tensión e gran potencia, turboxeneradores, motores eléctricos, e algúns tipos de condensadores. Debido a que a mica mantén as súas propiedades eléctricas cando se quenta até varios centenares de grados, considérase un material da clase térmica alta. A temperaturas moi altas, a mica perde a auga que contén e perde transparencia, o seu espesor aumenta e as súas propiedades mecánicas e eléctricas empeoran. A temperatura á que a mica comeza a perder a auga oscila entre 500 - 600 °C para a mica flogopita e 800 - 900 °C na mica moscovita. A mica funde a 1.145 - 1.400 °C.
 |
Wikimedia Commons ten máis contidos multimedia na categoría: Mica  |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
