Mel de abellón

Mel de abellón^[1] é unha novela de Torgny Lindgren, publicada por vez primeira en 1995 co título orixinal en lingua sueca de Hummelhonung.

Mel de abellón
Título orixinal	Hummelhonung
Autor/a	Torgny Lindgren
Orixe	Suecia
Lingua	Sueco
Xénero(s)	Novela
Editorial	Norstedts Editorial Hugin e Munin
Data de pub.	1995 2013
Formato	Tapa branda con lapelas. 20 x 13,5 cm
Páxinas	132
ISBN	978-84-941211-6-6
Tradución	Marta Dahlgren
[ editar datos en Wikidata ]

Trama

Unha escritora, logo de dar unha charla nunha vila de Västerbotten, no norte de Suecia, remata vivindo nunha aldea illada cun home ancián que a vai recoller. O home, Hadar, ten un irmán chamado Olof que vive noutra casa a unha curta distancia, pero os irmáns evítanse como á peste e levan moitos anos sen teren contacto. Doentes os dous, a súa única esperanza é sobrevivir ó outro^[2]. O único modo que ten Hadar para saber que Olof segue vivo é ver se sae fume da súa cheminea.

A chegada da escritora convértese en catalizador: os irmáns comezan a desvelarlle o seu pasado, e ao tempo ela sérvelles de canle de comunicación por primeira vez en décadas, aínda que sexa de forma indirecta.

Adaptacións

A novela foi adaptada a ópera en 2001 por Carl Unander-Scharin. Foi traducida ao galego por Marta Dahlgren,^[3] publicada en 2013 pola Editorial Hugin e Munin.^[1]