Mar do Labrador

O mar do Labrador (en francés: mer du Labrador, en inglés: Labrador Sea e en dinamarqués: Labradorhavet) é un corpo de auga do océano Atlántico Norte localizado entre a península canadense de Labrador e a illa danesa de Groenlandia. Está flanqueado por terras continentais en todos os seus bordos e a súa profundidade é duns 3 km. As súas augas conectan ao norte coas da baía de Baffin, a través do estreito de Davis.^[1]

Mar do Labrador

Tipo	mar mar marxinal
Parte de	océano Atlántico Norte
Localización
País da cunca	Canadá, Groenlandia e Dinamarca
División administrativa	Terra Nova e Labrador, Canadá e Kujalleq, Groenlandia
60°41′N 56°37′O
Composto por	Croque Harbour (en)
Características
Profundidade	1.898 m
Superficie	841.000 km²

Xeoloxía

O mar de Labrador formouse probablemente polo espazamento do fondo mariño que empezou a ocorrer hai ao redor de 61 millóns de anos e parou fai preto de 40 millóns de anos.

Hai unha historia máis recente achega da forma do mar, durante a idade do xeo, a folla de xeo norteamericana colapsouse repetidas veces mandando vagas de icebergs cara ao mar do Labrador, no fondo do mar do Labrador hai unha capa de pedras irregulares (Glacial errático), isto é cachos de pedra que non coinciden con tamaño e o tipo de pedra nativas da área na que se atopan, deixadas aí polos icebergs ao derreterse.

Unha das canles de turbidita máis grandes de mundo corre de norte a sur no medio do mar do Labrador. As avalanchas de turbidita corren esta canle por centenares de quilómetros, moitos delas terminando nas augas máis profundas de Nova Inglaterra.

Límites xeográficos

Segundo a Organización Hidrográfica Internacional («International Hydrographic Organization», IHO), na súa publicación Limits of oceans and seas (3ª edición de 1953),^[2] o mar do Labrador (que ten o número de identificación 15A) ten os seguintes límites:

• o norte, o límite sur do estreito de Davis —o paralelo 60ºN, entre Groenlandia e Labrador.
• o leste, unha liña entre cabo St. Francis (Terra Nova, 47°45′N 52°27′O) e cabo Farewell (Groenlandia).
• o oeste, a costa leste de Terra Nova e Labrador e o límite nordeste do golfo de San Lourenzo —unha liña desde o cabo Bauld (punto norte da illa Kirpon, 51°40′N 55°25′O) o extremo leste da illa Belle e o Northeast Ledge (52°02′N 55°15′O). Dende aquí, unha liña unindo este sainte co extremo oriental do cabo St. Charles (en Labrador, 52º13'N).

Notas

1. Encyclopædia Britannica. "Labrador Sea". Consultado o 30 de xullo do 2016.
2. «Limits of oceans and seas», pax. 10.

Véxase tamén

Wikimedia Commons ten máis contidos multimedia na categoría:  Mar do Labrador