O dedo maimiño, tamén chamado o dedo pequeniño ou ulnar, é normalmente o dedo máis pequeno da man humana, oposto ao polgar e situado ao lado do dedo anular.
| Dedo maimiño | |
|---|---|
 | |
| Dedo maimiño estendido | |
| Latín | digitus minimus manus, digitus quintus, digitus V |
| Arteria | Arteria ulnar |
| Nervio(s) | Nervio ulnar |
| Linfa | supratroclear |
Músculos
Hai catro músculos que controlan o dedo maimiño, tres dos cales conforman un grupo chamado eminencia hipotenar:
- Eminencia hipotenar
- Músculo opoñente do maimiño
- Músculo abdutor do maimiño (adución do terceiro músculos interóseos palmares da man)
- Músculo flexor curto do maimiño (o "longo" está ausente na maioría dos humanos)
- Músculo extensor do dedo maimiño
Significación cultural
En certas culturas vincúlanse os dedos maimiños de dúas persoas que realizan unha promesa. Tradicionalmente, considerábase a promesa como vinculante, e a idea orixinal era que a persoa que rompía a promesa debía cortar o dedo maimiño.
Dunha maneira similar, entre os membros da yakuza xaponesa (gánsteres), o castigo por certas ofensas é cortar parte das falanxes do dedo maimiño (ritual coñecido como yubitsume).
No Xapón, ter levantado o dedo maimiño ao falar sobre dúas persoas significa que elas están vinculadas sentimentalmente. Este xesto considérase anticuado e vulgar, mais en certas escenas anime úsase intencionalmente.
Na China, considérase vulgar levantar e ensinarlle o dedo maimiño a outra persoa da mesma maneira que na cultura occidental se xulga como vulgar ou agresivo mostrar o dedo medio. Adicionalmente, en Norteamérica, levar un anel no dedo maimiño posúe un significado simbólico. O dedo maimiño é o dedo das relacións, e por tanto levar un anel nel sinala que esa persoa é aberta e cariñosa.
Na India, levantar o dedo maimiño é un sinal de "katti" ou amizade rota, un signo de que alguén está anoxado, ou unha suxestión en ton de broma de que unha persoa que lle amosa o maimiño a outra non desexa falar con esta segunda persoa.
Galería de imaxes
Ósos da man esquerda. Superficie palmar.
Ósos da man esquerda. Superficie dorsal.
O quinto metacarpiano (esquerda)
Véxase tamén
Outros artigos
- Quinto metacarpiano
- Iubitsume
 |
Vexa a entrada do Galizionario acerca de Dedo maimiño |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
