Maiao

Maiao (Mai´ao en tahitiano normalizado) é unha illa do grupo do Vento das illas da Sociedade, na Polinesia Francesa. Está situada a 75 km ao oeste da illa de Moorea, con quen forma a comuna de Moorea-Maiao.

Maiao

Localización
17°39′S 150°38′O
División administrativa	departamentos e territorios de ultramar de Francia
Colectividade	Polinesia Francesa
Poboación
Poboación	299 (2007) (33,22 hab./km²)
Xeografía
Parte de	Illas do Vento
Superficie	9 km²
Bañado por	océano Pacífico
Identificador descritivo
Fuso horario	UTC−10:00

Xeografía

A formación consiste nunha illa alta, cun pico de 154 metros de altura e un motu que serpentea ao longo da base da illa alta.

A illa ten a particularidade de ter dous lagos interiores, ademais da lagoa exterior rodeada polos escollos de coral. Os tres están conectados por canles subterraneos pero teñen un alto grao de salinidade. A superficie total é de 9 km².

A illa é o fogar de 299 persoas (segundo o censo de agosto de 2007).

Historia

O Dereito interno Maiao non acepta ós "estranxeiros", e polo tanto calquera persoa que non sexa orixinalmente da illa ten que ter unha invitación formal ou unha razón especial para desembarcar (parteira, médico, traballador social, funcionarios ... ). De onde vén esta prohibición de permanecer neste paraíso? Un inglés, Eric Trower, montou afinais dos anos 20 unha tenda de mercancías xerais. Abusando do gusto dos insulares dos produtos de fóra, apropiouse case do 80% da illa polos préstamos contraídos polos seus clientes! O Pastor Moreau, ao redor de 1935, incitou á xente para formar unha cooperativa para comprar o terreo ao Estado, que mentres tanto pagara a débeda das persoas ao inglés. De aí a sospeita sobre os estranxeiros que dura para sempre.

Galería de fotos

• 
  Vista da illa
• 
  Vista da praia
• 
  Vista da praia en Maiao.
• 
  Vista da vila de Taora O Mere.