Liteira (moble)
cada un dos leitos que se colocan un enriba do outro From Wikipedia, the free encyclopedia
cada un dos leitos que se colocan un enriba do outro From Wikipedia, the free encyclopedia
Unha liteira é cada unha das camas ou leitos que se colocan un enriba do outro[1]. Tamén se denomina así ao conxunto, o móbel composto destas camas. A miúdo son utilizadas en espazos reducidos e en particular en cuartos infantís, permitindo que dous ou máis nenos durman no mesmo cuarto. O espazo optimízase máis aínda ao colocar caixóns baixo a liteira nos que se gardan xoguetes, roupa de cama etc. O hábitat orixinal destes móbeis son as embarcacións, albergues, internados, prisións, trens etc.
A liteira máis común caracterízase por ter dous colchóns de tamaño idéntico colocados un enriba do outro. A liteira de colchón individual sobre un matrimonial ten a mesma función do estándar, pero o colchón matrimonial de maior tamaño colócase na liteira inferior, por baixo do colchón individual.
Un sofá cama de liteira é como unha liteira estándar, coa excepción de que a liteira inferior é un colchón reclinábel que se transforma en cama. Os sofás cama de liteira pódense utilizar para aforrar espazo en cuartos ou apartamentos, xa que a cama de embaixo pódese usar como sofá polo día. Nun sofá cama de liteira en forma de «L», a cama inferior oriéntase de xeito perpendicular coa liteira superior, o cal crea un espazo adicional que pode ser empregado como repisa ou andel. É perigoso porque, por un desaxuste dalgún parafuso, pode caerlle a cama a calquera obxecto ou persoa que estea neste móbel.
A cama con liteira alta é coma un camarote que tan só ten a cama superior, o cal deixa un espazo inferior que se pode amoblar con armarios, andeis ou até un escritorio. Estas camas de liteira alta utilizan e aproveitan o espazo vertical de xeito eficiente.[2]
Existen tamén liteiras de 3 camas cuxa cama inferior é de tipo dúplex ou cama niño. Neste caso faise chamar triliteira.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
