A liquenina, tamén chamada liquenano ou amidón de musgo, é un polisacárido complexo formado por unidades de glicosa (un glucano), que se encontra en varias especies de liques. Pode extraerse da Cetraria islandica, que recibe o nome de "musgo" de Islandia, polo seu parecido superficial cos musgos, pero que en realidade é un lique.[1] Foi estudada desde 1957.[2] Quimicamente a liquenina é un polímero liñal formado por residuos de glicosa unidos por enlaces glicosídicos β-1,3 e β-1,4.[3]
| Liquenina | |
|---|---|
 | |
Outros nomes Liquenano; amidón de musgo | |
| Identificadores | |
| Número CAS | 1402-10-4 |
| ChEBI | CHEBI:6452 |
| Propiedades | |
| Fórmula molecular | (C6H10O5)x |
| Masa molecular | Variable |
Se non se indica outra cousa, os datos están tomados en condicións estándar de 25 °C e 100 kPa. | |
É un importante carbohidrato para a alimentación dos renos e os esquíos voadores do norte (Glaucomys sabrinus), que se alimentan do lique Bryoria fremontii.
Para extraela do "musgo" de Islandia, este dixírese nunha disolución débil fría de bicarbonato de sodio durante algún tempo, e despois férvese. Así, a liquenina disólvese e ao arrefriar sepárase como unha xelatina incolora. Non pode tinguirse con iodo, a diferenza doutros polisacáridos.[4]
Notas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
