O lilanxeni[1] ou lilangeni (emalangeni en plural na lingua local) é a moeda oficial de Eswatini e é emitida polo Banco Central de Eswatini (en swazi Umntsholi Wemaswati). Abréviase como L (E para o plural) e o seu código ISO é SZL. Un lilangeni divídese en 100 céntimos. O rand surafricano é tamén aceptado no país. O seu nome provén da palabra swazi langeni (diñeiro), co prefixo de substantivo singular li-.
Lilangeni | |
---|---|
Lilangeni | |
Código: | SZL |
Ámbito: | ![]() |
Símbolo: | L ou E (pl. emalangeni) |
Fracción: | 100 cents |
Moedas: | 1, 2, 5, 10, 20 e 50 céntimos L1, E2 e E5 |
Billetes: | 10, 20, 50, 100 e 200 emalangeni |
Emisor: | Banco Central de Eswatini |
Taxa de troco: 24-8-2011 | 1 EUR = 10.4612 SZL 1 USD = 7.25461 SZL |
O lilangeni foi introducido en 1974 en substitución do rand surafricano á par (1 lilangeni = 1 rand). Actualmente as dúas moedas pertencen á Área Monetaria Común xunto co loti de Lesotho, polo que o rand ten valor legal en Eswatini.
![Thumb](http://upload.wikimedia.org/wikipedia/commons/thumb/6/66/Szva_fej.jpg/640px-Szva_fej.jpg)
![Thumb](http://upload.wikimedia.org/wikipedia/commons/thumb/7/70/Szva_i.jpg/640px-Szva_i.jpg)
En 1974 cuñáronse moedas de 1, 2, 5, 10, 20 e 50 céntimos e 1 lilangeni, das cales as dun e 2 céntimos estaban feitas de bronce e o resto de cuproníquel. A excepción da moeda dun 1 lilangeni, ningunha moeda era redonda: as de 1 e 50 céntimos eran dodecagonais, as de 2 céntimos eran cadradas e as de 5, 10 e 20 céntimos onduladas.
A moeda de 2 céntimos deixou de cuñarse en 1982, e en 1986 a moeda dun céntimo de cobre trocou a súa forma a circular e a dun lilangeni trocou a súa composición a níquel-latón. Estas foron seguidas en 1992 polas de níquel redondas de 5 e 10 céntimos e niquel-latón redondas dun lilangeni. Entre 1995 e 1996 engadíronse as denominacións de 2 e 5 emalangeni.
A moeda dun lilangeni de níquel-latón teñen exactamente as mesmas dimensións e composición que as moedas británicas de 1£ introducidas tres anos antes, polo que estas moedas son ás veces empregadas de xeito fraudulento en máquinas expendedoras británicas.
Denominación | Emisión | Metal | Forma | Diámetro (mm.) |
Peso (gr.) |
Canto | Anverso | Reverso | Imaxe |
---|---|---|---|---|---|---|---|---|---|
5 Céntimos | Cu+Ni | ESWATINI |
5 CENTS Planta ano de cuñaxe |
||||||
10 Céntimos | Cu+Ni | ESWATINI |
10 CENTS Planta ano de cuñaxe |
||||||
20 Céntimos | Cu+Ni | ESWATINI |
20 CENTS Elefante ano de cuñaxe |
||||||
50 Céntimos | Cu+Ni | ESWATINI |
50 CENTS Escudo de armas ano de cuñaxe |
||||||
1 Lilangeni | Cu+Al+Ni | ESWATINI |
Valor facial ONE LILANGENI ano de cuñaxe |
||||||
2 Emalangeni | Cu+Al+Ni | ESWATINI |
Valor facial 2 EMALANGENI ano de cuñaxe |
||||||
5 Emalangeni | Cu+Al+Ni | ESWATINI |
5 EMALANGENI Escudo de armas ano de cuñaxe |
||||||
En 1974, a Autoridade Monetaria de Eswatini emitiu os primeiros billetes de 1, 2, 5 e 10 emalangeni, xunto aos de 20 emalangeni en 1978. En 1981, o Banco Central de Eswatini asumiu a competencia de imprimir os billetes, emitindo os primeiros billetes conmemorando o xubileu do rei Sobhuza II. Entre 1982 e 1985, emitíronse as series normais de billetes de 2, 5, 10 e 20 emalangeni. En 1990 engadiuse a denominación de 50 emalangeni. Entre 1995 e 1996, os billetes de 2 e 5 emalangeni foron substitutos por moedas, e ademais emitíronse billetes de 100 e 200 emalangeni en 1996 e 1998 respectivamente. Os billetes de 200 emalangeni conmemoran o 30º aniversario da independencia do país.
Denominación | Efixie | Cor predominante | Imaxe do anverso | Imaxe do reverso |
---|---|---|---|---|
10 Emalangeni | Mswati III | Azul | ||
20 Emalangeni | Mswati III | Violeta | ||
50 Emalangeni | Mswati III | Vermello | ||
100 Emalangeni | Mswati III | Marrón | ||
200 Emalangeni | Mswati III | Verde | ||
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.