Remove ads
O Kremlin de Moscova (ruso: Московский Кремль, transliterado: Moskovskiy Kreml') é un conxunto de edificios civís e relixiosos situado no centro da cidade de Moscova, na beira do río Moscova que pasa polo sur, da Praza Vermella no leste e do Xardín de Alexandre no oeste.
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
(ru) Московский Кремль  | ||||
| ||||
| Tipo | Kremlin distrito histórico atracción turística edificio da administración pública residencia oficial punto de referencia | |||
|---|---|---|---|---|
| Parte de | Kremlin e Praça Vermelha (pt)  | |||
| Localización | ||||
| División administrativa | Moscova, Rusia e Tverskoy, Rusia (pt) | |||
| ||||
| Composto por | ||||
| Características | ||||
| Superficie | 27,5 ha | |||
| Parte dun sitio do Patrimonio da Humanidade | ||||
| Data | 1990 (14ª Sesión) | |||
| Patrimonio cultural federal de Rusia | ||||
| Patrimonio cultural federal de Rusia | ||||
| Tsarskaya Tower (en) [[File:Noun Project label icon 1116097 cc mirror.svg | ||||
| Historia | ||||
| Data de creación ou fundación | 1420 | |||
| Cronoloxía | ||||
| 3 de maio de 2023 | Kremlin drone attack (en) | |||
| Actividade | ||||
| Uso | residencia oficial | |||
| Sitio web | kreml.ru | |||
O máis coñecido dos kremlins rusos e inclúe catro palacios e catro catedrais, agrupados no interior dun recinto delimitado pola muralla do Kremlin, que inclúe as torres do Kremlin. O seu nome transformouse dende a época da Unión Soviética en sinónimo do goberno de Rusia, de xeito semellante a coma ocorre coa Casa Branca para o goberno dos Estados Unidos de América.
Remove ads
Nos séculos XI e XII era un poboamento eslavo, cunha pequena cidadela, a morada fortificada do boiardo da localidade Kuchka. Na antigüidade a palabra "kreml" úsabase para denominar a parte amurallada no centro dunha vila. En 1147 fíxose mención de Moscova por vez primeira, polo 1156 escavouse un foso e erixiuse unha muralla de terra. Para finais do século XII construíuse un forte amurallado arredor da colonia de mercadores e artesáns que se congregaban en Moscova coma nun refuxio. Daquela, toda Moscova ocupaba unha terceira parte da área do actual Kremlin. En 1238 a cidade púxose ás hordas mongois e no século XIII, mentres o país se recuperaba da devastación feita polos tártaros e os mongois, Moscova gañaba prominencia.
A comezos do século XIV Moscova acada a posición de capital do principado. No Kremlin constrúese unha fortaleza de pedra branca e pasa por un período de reconstrucións radicais:
- Érguese unha nova e sólida muralla arredor da fortaleza dun perímetro de máis de 1.600 metros e se escava un foso cara ao leste, fronte a chaira (1339-1340).
- O Kremlin convértese na residencia do príncipe e mais da familia real de Moscova.
- Construíronse as catedrais de pedra branca na parte sur do outeiro do Kremlin: a catedral da Asunción (1326), a Igrexa de Noso Salvador (1330), a Catedral do Arcanxo San Miguel (1333), e no centro do Kremlin foi levantada unha atalaia, coñecida como a torre do campanario do Santo Iván (1329).
De 1344 a 1346 decoráronse todas as igrexas con frescos e iconas. Baixo as ordes do príncipe Dmitri Donskoi ergueuse a xigantesca fortaleza de pedra branca con nove torres. A construción rematou en dous anos. A finais do século XV o Kremlin converteuse no centro da cultura rusa. O principado converteuse no Moscovia. Os douscentos anos de loita para unificar a Rusia culminaron co nacemento do estado centralizado máis grande de Europa. Durante os séculos XV e XVII construíronse os monumentos arquitectónicos que se conservan até os nosos días. A construción transformou o Kremlin, dándolle unha imaxe senlleira e tan común a todo o mundo:
- 2,25 quilómetros de muralla ameada e 19 grandes torres, arrodeados por un foso e polo río Neglínnaya, cuxo nivel de auga foi elevado por medio de diques (1485-1495).
- A Catedral da Asunción (1475-1479), construída por Aristótele Fioravanti, converteuse na catedral central do estado ruso.
- A Igrexa da Deposición do Manto da Virxe (Conmemoración da festa da Imposición)
- A Catedral da Anunciación (1485-1489).
- A Catedral do Arcanxo Miguel (1505-1508) construída por Alevíz Novy.
- O cemiterio dos príncipes e tsares de Moscova etc.
No século XVII os vellos edificios do Kremlin modifícanse e sométense a unha restauración xeral. Durante as varias invasións a Rusia (1605-1618), enfraquecida polo chamado Tempo de Dificultades, as tropas da Mancomunidade de Polonia-Lituania tomaron Moscova e mailo Kremlin do 27 de setembro de 1610 ao 4 de novembro de 1612, até que foron expulsados polo alzamento patriótico de Rusia. De 1635 a 1656 constrúense as Cámaras do Patriarca e a pequena Igrexa dos Doce Apóstolos. O incendio de 1710 destruíu todos os edificios de madeira da parte noroeste do Kremlin.
En 1713, Moscova cede o sitio á nova capital, San Petersburgo, e o Kremlin pasa a ser residencia temporal da corte tsarista. De 1776 a 1788 ergueuse o Senado. En 1812, as forzas de Napoleón ocuparon o Kremlin. Entre 1815 e 1835 realízanse obras de restauración cos mellores arquitectos da época: O. Bové, K. Rossi e D. Gilardi. De 1838 a 1850 construíuse o Gran Palacio do Kremlin e de 1844 a 1851 ergueuse no outeiro do Kremlin la Armaría.
Logo da Gran Revolución de outubro de 1917, Moscova volveu ser a capital. En marzo de 1918 o goberno soviético trasladouse dende Petrogrado a Moscova e ocupou o Kremlin. O Kremlin fechouse aos visitantes. Os vellos mosteiros (Chúdov e da Ascensión) foron demolidos e substituídos por un edificio do goberno (1932—1934). En 1935 a aguia bicéfala foi retirada das torres do Kremlin para se substituír en 1937 polas estrelas de rubís (dimensión:3-3,75 metros).
De 1946 a 1958 restauráronse as catedrais, pazos e outros monumentos arquitectónicos do Kremlin. En 1961 construíuse o Palacio de Congresos.
Desde 1955 o Kremlin fica aberto ao público e en 1990 inclúese na listaxe de Patrimonio Mundial da Unesco.
En 1991 foi fundado o Museo Estatal de Historia e Cultura do Kremlin. Consta da Armaría, a Catedral da Asunción, a Catedral do Arcanxo Miguel, a Catedral da Anunciación,o Museo das Artes Aplicadas e Uso Corrente de Rusia do século XVII, o conxunto do Campanario de Iván o Grande e outros monumentos arquitectónicos.
No complexo arquitectónico atópanse tres edificios que son usados como residencias oficiais do presidente da Federación Rusa: o Palacio do Senado, o Gran Palacio do Kremlin e maila Escola Militar ou edificio nº 14.
Remove ads
- Catedral da Asunción (Uspenski)
- Catedral do Arcanxo Miguel (Arjánguelski)
- Catedral da Anunciación (Blagovéschenski)
- Igrexa dos Doce Apóstolos
- Cámaras do Patriarca
- Campanario de Iván o Grande (Iván III de Rusia)
- Igrexa da Deposición do Manto da Virxe
A Praza das Catedrais é o corazón do Kremilin. Áchase arrodeada de seis edificios, incluíndo as tres catedrais:
- A Catedral da Dormición foi finalizada en 1479 e converteuse na principal sé de Moscova, ademais de ser o lugar onde todos os tsares foron coroados. A gran fachada feita en pedra calcaria, coroada por cinco cúpulas douradas, foi deseñada por Aristótele Fioravanti.
- En 1489, só un ano despois, foi construída a Catedral da Anunciación, coroada por tres cúpulas douradas, porén un século máis tarde sería remodelada, engadíndoselle seis cúpulas máis para facer un total de nove.
- No sueste da praza atópase a maior catedral das tres existentes, a Catedral do Arcanxo Miguel (1508), onde todos os monarcas moscovitas dende Ivan Kalita até Ivan V están enterrados.
Hai, ademais, dúas igrexas pertencentes aos Patriarcas Metropolitanos de Moscova:
- A Catedral dos Doce Apóstolos (1653-56)
- A Igrexa da Deposición do Manto, construída por artesáns de Pskov entre os anos 1484-88 e adornada con frescos e iconas entre 1627 e 1644.
A outra grande estrutura é o Campanario de Iván o Grande, na esquina nordés da praza, o cal marca o centro exacto de Moscova e conta cunha lapa eterna sempre acesa. Completado en 1600, ten unha altura de 81 metros. Até a Revolución Rusa, era a estrutura máis alta da cidade, xa que estaba prohibida a construción de edificios cunha altura superior á do campanario. Conta con 21 campás dispostas para soar a alarma en caso dun ataque inimigo.
A estrutura non relixiosa máis antiga do Kremlin é o Palacio das Facetas (1491), o cal contén os tronos imperiais rusos. Foi mandado construír por Iván III (o Grande). O seguinte por orde de antigüidade é o que fora o primeiro fogar da familia imperial rusa, o Palacio dos Terems. O palacio orixinal foi construído en época de Iván III, mais a maior parte do mesmo data do século XVII. O Palacio dos Terems e mailo Palacio das Facetas están ligados grazas ao Gran Palacio do Kremlin. Este foi mandado construír por Nicolao I en 1838. É a meirande estrutura do Kremlin, custou a suma de 11 millóns de rublos para a súa construción e máis dun billón de dólares para a súa renovación na década de 1990. Contén ademais do apartamento privado do tsar, o andar inferior da igrexa da Resurrección de Lázaro (1393), que é a estrutura existente máis antiga do Kremlin e de toda Moscova.
A esquina nordés da praza áchase ocupada polo Arsenal, que foi construído en época de Pedro o Grande en 1701.
A sección noroeste conta coa Armaría do Kremlin. Construída en 1851 a estilo do Neorrenacemento, sendo actualmente un museo.
Remove ads
- Palacio do Senado
- Arsenal do Kremlin
- Armaría do Kremlin
- Gran Palacio do Kremlin
- Palacio das Facetas
- Palacio dos Terems
- Palacio Poteshny
- Palacio Estatal do Kremlin
Monumentos
- Tsar Pushka (Canón do Tsar)
- Tsar Kólokol (Campá do Tsar)
A verba Kremlin adóitase empregar para se referir ao goberno da Unión Soviética (1922-1991) e aos seus membros de maior rango (como xenerais, secretarios, xefes de estado, presidentes, ministros e membros do comisionado). Do mesmo xeito que Downing Street refírese ao goberno inglés, o Eliseo ao goberno francés, a Moncloa ao goberno de España, La Moneda ao goberno de Chile ou a Casa Branca fai referencia ao goberno dos Estados Unidos. Até certo punto Kremlin séguese a empregar para se referir á política de Rusia. Kremlinoloxía refírese ao estudo da política Soviética.
Remove ads
Plano do Kremlin en 1917
Non sobreviviu o edificio no Kremlin: a Igrexa de San Xoán Bautista e a orde estábel. A figura. VF Alexeev, 1800
Giacomo Quarenghi. Vista da praza da catedral do Kremlin de Moscova. 1797. Ermitage
Kremlin de Moscova baixo Iván Kalita (Iván I de Rusia)
Kremlin de Moscova baixo Dmitri Donskói(A. Vasnetsov)
A construción do Kremlin baixo Iván III (A. Vasnetsov)
Kremlin de Moscova baixo Iván III (A. Vasnetsov)
Esteiro. Neglinna no século XVII (A. Vasnetsov). Borovitskaya visíbel e a Torre de Nicolás
En estado de sitio. A Ponte Trindade (A. Vasnetsov)
Área de Iván o Grande (Vasnetsov A.)
De mañá cedo no Kremlin no século XVII (A. Vasnetsov)
Corte Real e o Soportal Vermello (A. Vasnetsov)
Feira boiarda en 1810. (F. Alekseev)
Porta de Spassky e Mosteiro da Ascensión, en 1810. (F. Alekseev)
Igrexa de San Salvador da Bor, en 1810. (F. Alekseev)
Catedral da Anunciación e Palacio das Facetas en 1810. (F. Alekseev)
Vista do Kremlin a mediados do século XIX
Desfile no Kremlin en 1838 (G. Chernetsov)
A Porta Spassky e o Mosteiro da Ascensión a mediados do século XIX.
Procesión na Catedral da Anunciación (W. Beaudry, 1860)
O Mosteiro Choudoff, o Senado e mailo Mosteiro da Ascensión (Benoit e Obryuna, mediados do século XIX)
Torre Borovitskaya , Xoán o Bautista, o novo edificio da Armaría e o Gran Palacio do Kremlin (Benoit e Obryuna, mediados do século XIX)
Kutafya, a Torre da Trindade e a Ponte da Trinidade. Detrás do edificio son visíbeis o Arsenal e mailo Palacio de Congresos.
Vista aerea do Kremlin.
Vista nocturna do Kremlin
Tsar Pushka. Kremlin de Moscova
Praza da Catedral. Pódense ver as catedrais da Asunción e mais da Anunciación, ademais do Palacio das Facetas.
O Kremlin de Moscova no século XXIII. Tarxeta postal 1914.
Torre Salvador (Moscova)
Torre de Constantino e Helena na beira da porta principal do Kremlin. A principios do século XIX.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads