Coxíidos

A dos coxíidos (Kogiidae) é unha familia de cetáceos odontocetos que inclúe dúas especies viventes, o cachalote pigmeo e o cachalote anano, e tres especies extintas.^[1]

Coxíidos Kogiidae Rango fósil: oligoceno - actualidade
Tamaños do cachalote pigmeo e o home
Clasificación científica
Reino: Animalia Filo: Chordata Clase: Mammalia Orde: Cetacea Suborde: Odontoceti Familia: Kogiidae Gill, 1971 Xénero: Kogia Gray, 1846
especies
Véxase o texto

Algunhas clasificacións no recoñecen esta familia e sitúan ao seu único xénero, Kogia, na familia dos fisetéridos,^[2][3] dentro da submailia dos Koginae Gill, 1871, pero hoxe está aceptado este grupo como familia Kogiidae Gill, 1871.^[4]

Descrición

Estes cetáceos caracterízanse por teren a boca en posición ventral en relación ao cranio, a diferenza dos delfínidos e a maioría dos demais odondtocetos. Non teñen dentes no maxilar superior, e o inferior presenta dentes cónicos. Ao igual que o cachalote, posúen espermaceti no melón.

O tamaño do seu corpo é pequeno, en comparación có doutros cetáceos (entre 3 e 3,5 m), e especialmente co do seu máis próximo parente, o cachalote.^[5] e bastante repoludo, cunha aleta dorsal pequena, falciforme, e a caudal cunha incisura media lixeira, a as pectorais anchas e curtas, situadas en posición moi adiantada. Presentan unha falsa galada detrás da súa cabeza, que é de forma cuadrangular.^[6]

Distribúense por todos os océanos do mundo, en augas profundas cerca das costas.^[6]

Taxonomía

Kogia breviceps.

Kogia sima.

A familia só conta cun xénero e dúas especies actuais:

Familia Kogiidae

• Subfamilia Kogiinae
  • Xénero Aprixokogia †
    • Aprixokogia kelloggi †
  • Xénero Kogia
    • Kogia breviceps (Blainville, 1838) – cachalote pigmeo
    • Kogia sima (Owen, 1866) – cachalote anano
  • Xénero Praekogia †
    • Praekogia cedrosensis †
• Subfamilia Scaphokogiinae
  • Xénero Scaphokogia †
    • Scaphokogia cochlearis †

Notas

1. The Paleobioly Database. "Kogiidae" (en inglés). Arquivado dende o orixinal o 13 de abril de 2020. Consultado o 20 de agosto de 2013.
2. "Wilson, D. E. & Reeder, D. M. (editores) (2005): Mammal Species of the World. A Taxonomic and Geographic Reference (3ª ed).". Arquivado dende o orixinal o 11 de novembro de 2012. Consultado o 21 de agosto de 2013.
3. "Taylor, B. L.; Baird, R.; Barlow, J.; Dawson, S. M.; Ford, J.; Mead, J. G.; Notarbartolo di Sciara, G.; Wade, P. & Pitman, R. L. (2008): Kogia breviceps. en: IUCN 2009. IUCN Red List of Threatened Species. Version 2009.2. <www.iucnredlist.org>". Arquivado dende o orixinal o 05 de agosto de 2011. Consultado o 21 de agosto de 2013.
4. Kogiidae Gill, 1871 en WoRMS.
5. Duguy e Robineau (1987), pp. 142-143.
6. Carwardina,. M. (1995), pp. 82-85.

Véxase tamén

Wikispecies posúe unha páxina sobre:  Coxíidos

Bibliografía

• Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3.
• Duguy, R. e Robineau, D. (1987): Guía de los mamíferos marinos de Europa. Barcelona: Ediciones Omega. ISBN 84-282-0811-5.

Outros artigos

• Odontocetos
• Cachalote

Ligazóns externas

• Kogiidae Arquivado 04 de marzo de 2016 en Wayback Machine. en Tree of Life (en inglés).
• Kogiidae Arquivado 13 de abril de 2020 en Wayback Machine. en Paleobiology Database (en inglés).
• Kogiidae Gill, 1871 en ITIS.
• Kogiidae Gill, 1871 en WoRMS (en inglés).