Junichi Masuda

Junichi Masuda (増田 順一, Masuda Jun'ichi^?), nado en Iocoama o 12 de xaneiro de 1968, é un compositor de música para videoxogos, director, deseñador, produtor, cantante, programador e trombonista xaponés. É especialmente coñecido polo seu traballo na franquía Pokémon. É membro da mesa de dirección de Game Freak e é membro da compañía dende 1989, cando a fundou xunto con Satoshi Tajiri e Ken Sugimori.^[1][2]

Junichi Masuda

(2011)
Nome orixinal	(ja) 増田順一
Biografía
Nacemento	12 de xaneiro de 1968 (56 anos) Iocoama, Xapón
Educación	Japan Electronics College (en) 藤嶺学園藤沢中学校
Actividade
Ocupación	compositor, programador, director de cinema, produtor, enxeñeiro, deseñador de xogos, guionista
Período de actividade	1989 -
Empregador	Game Freak (1989–2022) The Pokémon Company
Instrumento	Trompeta, Trombón e piano

Co desenvolvemento de novos videoxogos de Pokémon, Masuda tomou diferentes roles nos proxectos. Comezou a producir e dirixir xogos, comezando con Pokémon Ruby e Sapphire, e fíxose responsable de aprobar os novos modelos de personaxes. O seu estilo busca manter os videoxogos accesibles ó tempo que engade novos niveis de complexidade. As súas obras musicais están inspiradas na obra de célebres compositores como Dmitrii Shostakovich, e usou a serie Super Mario como exemplo dunha boa composición de banda sonora para videoxogos.

Notas

1. "Interview with Shinji Miyazaki and the Game Freak sound team - #pocketmonsters, your source for news about Pokémon and Pocket Monsters". Pocketmonsters.net. Consultado o 19 de xaneiro de 2011.
2. "GAME FREAK Secret Base for GAME FREAK's 30th Anniversary Streaming will be on air!". Consultado o 27 de xaneiro de 2021.

Wikimedia Commons ten máis contidos multimedia na categoría:  Junichi Masuda