Joseph Fiennes

Joseph Twisleton Wykeham Fiennes, nado o 27 de maio de 1970 en Salisbury, é un actor inglés de cine, teatro, televisión e voz.

Joseph Fiennes

Biografía
Nacemento	27 de maio de 1970 (54 anos) Salisbury, Reino Unido (pt)
Educación	Guildhall School of Music and Drama Bishop Wordsworth's Church of England Grammar School (en)
Actividade
Ocupación	actor, director de cinema, produtor de cinema, actor de teatro, actor de cinema, actor de dobraxe, actor de televisión
Período de actividade	1993 -
Xénero artístico	Comedia shakespeariana
Familia
Pais	Mark Fiennes   e Jennifer Lash
Irmáns	Sophie Fiennes Martha Fiennes Magnus Fiennes Ralph Fiennes
Descrito pola fonte	Obálky knih, The Royal Descents of 600 Immigrants to the American Colonies or the United States (2004) (en) , (p.73)

Traxectoria

É fillo da novelista Jennifer Lash e do fotógrafo Mark Fiennes, e irmán do tamén actor Ralph Fiennes. Tamén é primo terceiro do explorador Ranulph Fiennes.

É coñecido sobre todo polo teatro (traballou para a Royal Shakespeare Company) e por interpretar o propio Shakespeare en Shakespeare in Love (1998), película que obtivo 13 nomeamentos nos Óscar dos que gañou sete, incluído "Mellor Filme".

Coprotagonizou xunto a Jude Law a película Enemy at the Gates (2001), onde interpretou a Danilov, un comisario político de segunda clase asignado a Stalingrado. Un ano despois traballou en Killing Me Softly e en 2003 foi o protagonista de Luther. En 2004 protagonizou The Merchant of Venice.

En televisión foi o protagonista da serie Flashforward (2009-2010).

Joseph Fiennes formou parte do elenco de American Horror Story para a súa segunda tempada, Asylum, que se estreou nos Estados Unidos o 17 de outubro de 2012. Xunto a Jessica Lange, Adam Levine, Zachary Quinto e Evan Peters, entre outros.

En 2017 interpretou a Fred Waterford na serie de televisión The Handmaid's Tale, baseada no libro O conto da criada da autora Margaret Atwood.

Filmografía

Cine

• Stealing Beauty (1996) – Christopher
• Shakespeare in Love (1998) – William Shakespeare
• Elizabeth (1998) – Robert Dudley, Earl of Leicester
• Martha, Meet Frank, Daniel and Laurence (1998) – Laurence
• Forever Mine (1999) – Manuel Esquema/Alan Riply
• Rancid Aluminium (2000) – Sean Deeny
• Enemy at the Gates (2001) – Comisario Danilov
• Dust (2001) – Elijah
• Leo (2002) – Stephen
• Killing Me Softly (2003) – Adam
• Sinbad: Legend of the Seven Seas (2003) – Proteus (voz)
• Luther (2003) – Martin Luther
• The Merchant of Venice (2004) – Bassanio
• The Great Raid (2005) – Maior Gibson
• Man to Man (2005) – Jamie Dodd
• Running with Scissors (2006) – Neil Bookman
• The Darwin Awards (2006) – Michael Burrows
• Goodbye Bafana (2007) – James Gregory
• The Escapist (2008) – Lenny Drake
• The Red Baron (2008) – Capitán Arthur Roy Brown
• You Me and Captain Longbridge (2008) – Narrator
• Spring 1941 (2008) – Artur Planck
• Against the Current (2009) – Paul Thompson
• The Games Maker (2014) - Morodian
• Hércules (2014) - Rei Euristeo
• Strangerland (2015) - Matthew Parker
• Psy (2015) - Home americano
• Risen (2016) - Clavius
• On Wings of Eagles (2016) - Eric Liddell

Televisión

• Pretty/Handsome (2008) - Bob Fitzpayne
• FlashForward (2009–2010) - Mark Benford
• Camelot (2011) – Merlín
• American Horror Story (2012-2013) - Timothy Howard
• Urban Myths (2017) - Michael Jackson
• The Handmaid's Tale (2018) - Fred Waterford
• Fiennes: Return to the Nile (2019) - El mesmo

Vida privada

Está casado coa modelo suíza María Dolores Diéguez, con quen ten dous fillos. A orixe galega da familia Diéguez leva a que o actor visite con frecuencia Trives, onde ten unha casa.^[1]