Indixenismo

O indixenismo é unha corrente cultural, antropolóxica concentrada no estudo e valoración das culturas indíxenas, e o cuestionamento dos mecanismos de discriminación e etnocentrismo en prexuízo dos pobos orixinarios.^[1]

O indixenismo enfronta a discriminación. Pódese falar dunha historia dentro do indixenismo a partir do sermón de decembro de 1511 de Antonio de Montesinos. Dende entón o indixenismo tomou corpo co paso do tempo e é lícito falar de indixenismo dende a época da administración colonial española, con modalidades diversas, aínda que durante o século XIX nos novos estados independentes latinoamericanos a preocupación indixenista perdeu terreo.^[2]

En 1940, tralo Primeiro Congreso Indixenista Interamericano, o indixenismo converteuse na política oficial dos estados de América, de maneira que o conxunto de ideas e actividades concretas que realizaron os estados latinoamericanos en relación coas poboacións indíxenas tiveron o nome xenérico de indixenismo.^[3]

Tamén, por outra banda, existen correntes "anarcoindixenistas" que defenden o indixenismo fóra da política estatal, é dicir, a través do anarquismo.^[4][5]

O termo gañou importancia nas últimas décadas do século XX para referirse a algunhas organizacións sociais e políticas en América Latina.

Notas

1. Marroquín, 1977
2. Caso, 1973:72.
3. Stavenhagen, 1988: 105.
4. "ANARQUISMO E INDIGENISMO EN MANUEL GONZALEZ PRADA". Anarconacionalismo.
5. "Oaxaca: entre el Indigenismo y la Anarquía". La Haine.

Véxase tamén

Bibliografía

• Barnet-Sánchez, Holly. "Indigenismo and Pre-Hispanic Revivals" in The Oxford Encyclopedia of Mesoamerican Culture. vol. 2, pp. 42–44. Oxford University Press 2001.
• Brading, D.A.. "Manuel Gamio and Official Indigenismo in Mexico" Bulletin of Latin American Research 7.1 (1988), 75-89.
• Knight, Alan, “Racism, Revolution, and Indigenismo," in The Idea of Race in the Latin America, 1870-1940, edited by Richard Graham, University of Texas Press, 1990.