Homoserina

A homoserina^[1][2][3] é un α-aminoácido coa fórmula química HO₂CCH(NH₂)CH₂CH₂OH. A L-homoserina non é un dos aminoácidos comúns codificados polo ADN (ver aminoácido non proteinoxénico) e difire do aminoácido proteinoxénico serina na inserción no seu esqueleto dunha unidade -CH₂- adicional. Intervén como molécula intermediaria na síntese de certos aminoácidos.

L-Homoserina
Fórmula esquelética
Modelo do zwitterión
Nome IUPAC Ácido (S)-2-amino-4-hidroxibutanoico
Identificadores
Número CAS	672-15-1
PubChem	779
ChemSpider	758
ChEBI	CHEBI:30653
ChEMBL	CHEMBL11722
Imaxes 3D Jmol	Image 1
SMILES O=C(O)C(N)CCO
InChI InChI=1S/C4H9NO3/c5-3(1-2-6)4(7)8/h3,6H,1-2,5H2,(H,7,8) Key: UKAUYVFTDYCKQA-UHFFFAOYSA-N InChI=1/C4H9NO3/c5-3(1-2-6)4(7)8/h3,6H,1-2,5H2,(H,7,8) Key: UKAUYVFTDYCKQA-UHFFFAOYAZ
Propiedades
Fórmula molecular	C4H9NO3
Masa molecular	119,12 g/mol
Punto de fusión	203 °C (descomponse)
Se non se indica outra cousa, os datos están tomados en condicións estándar de 25 °C e 100 kPa.

A homoserina, na súa forma lactona (homoserina lactona), é o produto resultante da clivaxe por bromuro de cianóxeno dun péptido por degradación da metionina.

Síntese de aminoácidos

A homoserina é un intermediato na biosíntese de tres aminoácidos esenciais: metionina, treonina (que é un isómero da homoserina), e isoleucina. Fórmase por dúas reducións do ácido aspártico a través do intermediario aspartato semialdehido.^[4] Despois a homoserina pode seguir dúas vías, unha que dá lugar a metionina, e outra que dá lugar a treonina; a partir da treonina pode producirse isoleucina.^[5]