Harriet Creighton

Harriet Baldwin Creighton, nada en Delavan (Illinois), o 27 de xuño de 1909 e finada o 9 de xaneiro de 2004, foi unha botánica, xenetista e educadora estadounidense.^[1]

Harriet Creighton

Biografía
Nacemento	27 de xuño de 1909 Illinois, Estados Unidos de América
Morte	9 de xaneiro de 2004 (94 anos)
Educación	Universidade Cornell Wellesley College Faculdade de Agricultura e Ciências da Vida da Universidade Cornell (pt)
Actividade
Ocupación	xenetista, profesora universitaria, escritora de ciencia, taxonomista, botánica, coleccionista de plantas
Empregador	Universidade Cornell

Traxectoria

Graduouse no Wellesley College en 1929, completando o seu doutoramento na Universidade de Cornell en 1933. Durante o seu tempo en Cornell, traballou no campo da citoxenética do millo con Barbara McClintock, e ambas publicaron un artigo moi influente en 1931 no que describiu o cruzamento cromosómico por primeira vez. Ese traballo, parte do seu doutoramento. proporcionou a evidencia clave de que os cromosomas transportaban e intercambiaban información xenética e, polo tanto, de que os "xenes" dos trazos físicos se levan nos cromosomas. A súa asesora foi Barbara McClintock quen dirixiu o seu doutoramento.^[2]

Tras completar o seu doutoramento, ensinou na Universidade de Cornell e no Colexio de Connecticut, e posteriormente regresou a Wellesley onde ensinou ata a súa xubilación en 1974. Tamén sacou un tempo da súa carreira para servir na Mariña dos Estados Unidos durante a Segunda guerra mundial.^[2][3]