Han Wudi

Han Wudi nado o 156 a. C. e finado o 29 de marzo de 87 a. C., foi o sexto emperador da dinastía Han de China.^[1]

Han Wudi

Nome de templo	世宗
Nome póstumo	孝武皇帝
Biografía
Nacemento	(zh-hant) 劉徹 7 de xuño de 156 a. C. Chang'an
Morte	29 de marzo de 87 a. C. (68 anos) Chang'an
Príncipe herdeiro
150 a. C. – 9 de marzo de 141 a. C.
Emperador da China Han do oeste
9 de marzo de 141 a. C. – 29 de marzo de 87 a. C. ← Imperador Jing de Han (pt) – Zhaodi (pt)  →
Actividade
Ocupación	poeta
Familia
Familia	House of Liu (en)
Cónxuxe	Imperatriz Chen Jiao Li Furen Lady Yin Xing Xing'e Li Ji Imperatriz Wei Zifu Lady Wang Gouyi
Fillos	princess Yian  () princess Shiyi  () Imperatriz Wei Zifu Liu Hong  () Lady Wang princess Zhuyi  () Imperatriz Wei Zifu Zhaodi  () Gouyi Liu Bo  () Li Furen Liu Ju  () Imperatriz Wei Zifu princess Weichang  () Imperatriz Wei Zifu princess Yangshi  () Imperatriz Wei Zifu Liu Xu  () Li Ji princess Eyi  () Liu Dan  () Li Ji
Pais	Imperador Jing de Han   e Imperatriz Wang Zhi Empress Wang
Irmáns	Princess Pingyang Princess Nangong Princess Longlü Jin Su Liu Rong Liu Pengzu Liu Cheng Liu Ji Liu De Liu Fa Liu Shun Liu Yue Liu Eyu Liu Fei, Prince of Jiangdu Liu Sheng Liu Yu Liu Duan
Descrito pola fonte	Obálky knih, Livro de Hã (pt) Registos do Historiador (pt)

Nomes

Han Wudi literalmente significa "emperador Wu -guerreiro- dos Han", en chinés tradicional 漢武帝, chinés simplificado 汉武帝, pinyin Hànwǔdì, Wade-Giles Wu Ti); tamén era chamado Wu de Han, nado como Liu Che (劉徹).

O uso de "Han" (漢) como parte do nome é unha referencia á dinastía Han da que foi parte.

Poesía yuefu

Han Wudi foi un mecenas da literatura e hai varios poemas atribuídos a el^[2]. Facilitou un renacemento do Chu ci, a poesía no estilo do antigo reino de Chu na primeira metade do seu reinado, en parte debido ao seu parente Liu An. Empregou poetas e músicos para escribir letras e compoñer melodías e patrocinou coreógrafos e xamáns para organizar movementos de danza e coordinar o espiritual e o mundano. As actuacións resultantes eran rituais de luxo, algúns nocturnos onde cantantes, músicos e bailaríns actuaban coa iluminación proporcionada por miles de fachos.

Unha das principais contribucións do emperador foi a través da Oficina de Música Imperial (yuefu), creada ou ampliada por el. As súas tarefas eran recoller cancións populares, adaptalas e orquestrarlas, así como elaborar material novo. A institución non só recolleu cancións e baladas chinesas, senón tamén cancións baseadas en melodías de Asia Central, con letras novas. Desenvolveuse a transmisión dun estilo particular de poesía, que pasou a ser coñecido como yuefu.

Goberno

Gobernou entre o 141 e o 87 a. C. É lembrado principalmente pola grande expansión territorial que tivo lugar baixo o seu reinado, así como polo potente e centralizado Estado confuciano que organizou.^[3] É citado na historia chinesa como un dos máis grandes emperadores xunto co emperador Taizong da Dinastía Tang e o emperador Kangxi da Dinastía Qing.

Predecesor: Jing de Han

Emperador da China 141 – 87 a. C.

Sucesor: Zhao de Han