Gran Premio de Marrocos

O Gran Premio de Marrocos (en árabe: المغربي سباق الجائزة الكبرى‎) foi un Gran Premio de automobilismo iniciado en 1925 en Casablanca, Marrocos coa denominación oficial de "Gran Premio de Casablanca".

Gran Premio de Marrocos

Tipo	evento deportivo recorrente
Deporte	deportes de motor
Organizador	Federación Internacional do Automóbil
Localización  e  Datas
País	Marrocos
Vixencia	1925 –
Período de ocorrencia	1 ano
Competición
Primeiro posto	Stirling Moss

Historia

En 1930 a carreira celebrouse no novo Circuíto de Anfa Cobrouse a vida do piloto conde Bruno d'Harcourt durante unha sesión de práctica. Todos os gañadores, de automóbiles de turismo, eran francéses ou de Mónaco.

Non houbo carreira en 1933, nin entre os anos 1935 e 1953. Cando volveu en 1954, levouse a cabo nun circuíto para automóbiles deportivos na cidade de Agadir, e o dominio francés viuse interrompido por un piloto italiano, Giuseppe Farina.

Un novo deseño en Ain-Diab preto de Casablanca, foi preparado para o Gran Premio de Marrocos de 1957 de Fórmula Un unha carreira que, aínda que non contaba para o Campionato Mundial, atraeu aos mellores pilotos de clase mundial do momento.

Ao ano seguinte, a carreira foi declarada oficial e levouse a cabo o 19 de outubro de 1958. A carreira viuse lixada pola morte de Stuart Lewis-Evans (o segundo na carreira de 1957) que morreu nun hospital de Londres a causa das queimaduras, seis días logo de estrelarse no poeirento circuíto. O seu Vanwall gripou o motor (posiblemente por mor do po) e mandouno dando tombos ás barreiras a alta velocidade, prendendo o seu coche en chamas. Este foi o último Gran Premio organizado en Marrocos.

Gañadores do Gran Premio de Gran Marrocos

O fondo de cor rosa indica unha carreira que non forma parte do Campionato do Mundo de Fórmula Un.

Ano	Piloto	Construtor	Categoría	Circuíto	Resultados
1958	Stirling Moss	Vanwall	Fórmula 1	Ain-Diab	Resultados
1957	Jean Behra	Maserati	Fórmula 1	Ain-Diab	Resultados
1956	Maurice Trintignant	Ferrari	Automóbiles deportivos	Agadir	Resultados
1955	Mike Sparken	Ferrari	Automóbiles deportivos	Agadir	Resultados
1954	Giuseppe Farina	Ferrari	Automóbiles deportivos	Agadir	Resultados
1953 - 1935	Non celebrado
1934	Louis Chiron	Alfa Romeo	Automóbiles de turismo	Anfa	Resultados
1933	Non celebrado
1932	Marcel Lehoux	Bugatti	Automóbiles de turismo	Anfa	Resultados
1931	Stanisław Czaykowski	Bugatti	Automóbiles de turismo	Anfa	Resultados
1930	Charles Bénitah	Amilcar	Automóbiles de turismo	Anfa	Resultados
1929	Non celebrado
1928	E. Meyer	Bugatti	Automóbiles de turismo	Casablanca	Resultados
1927	G. Roll	Georges Irat	Automóbiles de turismo	Casablanca	Resultados
1926	R. Meyerl	Bugatti	Automóbiles de turismo	Casablanca	Resultados
1925	Comte de Vaugelas	Delage	Automóbil de turismo	Casablanca	Resultados