Galaxia irregular

Unha galaxia irregular é unha galaxia que non ten unha forma regular, a diferenza das galaxias espiral ou elípticas.^[1] As galaxias irregulares non se poden encadrar en nigunha das clases regulares da secuencia de Hubble, e xeralmente teñen unha aparencia caótica, sen bulbo nuclear nin nigunha traza de estruturas como os brazos espirais.^[2]

NGC 1427A é un exemplo de galaxia irregular. É unha galaxia da categoría Irr-I situada a uns 52 millóns de anos luz.

En conxunto constitúen a cuarta parte de todas as galaxias. Algunhas galaxias irregulares foron anteriormente espirais ou elípticas pero foron deformadas por forzas gravitatorias externas desiguais. As galaxias irregulares poden conter cantidades abundantes de gas e po.^[3] Isto non é necesariamente certo para as ananas irregulares.^[4]

Tipos

Hai tres grandes tipos de galaxias irregulares, que son:^[5]

• Galaxia Irr I. É unha galaxia irregular que presenta algunha estrutura mais non a suficiente como para situala facilmente na secuencia de Hubble.
  • O subtipo con algunhas estrutura espiral denomínase galaxia Sm.
  • O subtipos sen estrutura espiral denomínase galaxia Im.
• Galaxia Irr II. É unha galaxia irregular que parece non presentar ningunha estrutura que se poida encadrar na secuencia de Hubble.
• Galaxia A dI (ou dIrrs). É unha galaxia anana irregular^[6] Agora crese que este tipo de galaxia é importante para comprender a evolución global das galaxias, xa que adoitan ter un baixo nivel de metalicidade e niveis relativamente altos de gas, e crese que son similares ás primeiras galaxias que poboaron o Universo. Poden representar unha versión local (e, por tanto, máis recente) de galaxias azuis débiles que se sabe que existen no Campo Ultraprofundo do Hubble.

Algunhas das galaxias irregulares, especialmente do tipo magallánico, son pequenas galaxias espirais que están sendo distorsionadas pola gravidade dun veciño máis grande.

Nubes de Magalláns

As galaxias das Nubes de Magalláns foron algunha vez clasificadas como galaxias irregulares. A Gran Nube de Magalláns foi despois reclasificada como do tipo SBm,^[7] que é un tipo de galaxia espiral barrada, o tipo espiral magallánica barrada. A Pequena Nube de Magalláns segue clasificada como galaxia irregular de tipo Im na ctual clasificación morfolóxica das galaxias, aínda que contén unha estrutura barrada.

Galería

• 
  ESO 486-21 é unha galaxia espiral cunha estrutura algo irregular e mal definida.^[8]
• 
  A galaxia irregular IC 3583 ten unha barra de estrelas que discorre polo seu centro.^[9]
• 
  NGC 2337 é unha galaxia irregular que está situada a 25 millóns de anos luz na constelación de Lynx.^[10]
• 
  UGC 4459 é unha galxia anana irregular situada a aproximadamente 11 millóns de anos luz na constelación da Ursa Major.^[11]
• 
  A galaxia anana irregular PGC 18431.^[12]
• 
  IC 559 clasifícase como galaxia do tipo Sm.^[13]
• 
  A galaxia anana irregular PGC 16389 cobre a súa galaxia veciña APMBGC 252+125-117.^[14]