Frances Haugen

Frances Haugen, nada en Iowa City, 1984, é unha xestora de produtos e activista estadounidense. En setembro de 2021, Haugen revelou milleiros de documentos internos de Facebook ("Facebook Files") á SEC (Securities and Exchange Commission; en galego, Comisión de Bolsa e Valores) dos Estados Unidos e ao Wall Street Journal.^[1]

Frances Haugen

(2024)
Biografía
Nacemento	1983 ↔ 1984 (34/44 anos) Iowa City, Estados Unidos de América
Educación	Harvard Business School (pt) (–2011) Franklin W. Olin College of Engineering (en) (–2006) Iowa City West High School (en)
Actividade
Ocupación	científico de datos, product manager (en) , data engineer (en) , alertadora
Empregador	Facebook (2019–2021) Pinterest Yelp (pt) Google Search (pt)
Premios
(2024)  Blanche F. Ittleson Award (en) (2022)  Time 100
Páxina web	franceshaugen.com

Traxectoria

Primeiros anos e formación

Haugen naceu e criouse en Iowa City, Iowa, onde asistiu á Iowa City West High School.^[2] O seu pai era médico e a súa nai converteuse en pastor episcopaliana despois dunha carreira académica.^[3]

De 2002 a 2006, estudou enxeñaría informática e eléctrica na primeira clase do programa no Olin College en Needham, Massachusetts.^[4][5] Despois, entre agosto de 2009 e maio de 2011, fixo un máster en administración de empresas (MBA) na Harvard Business School.^[5]

Carreira profesional

A partir de 2006, traballou en varias empresas de tecnoloxía como Google, Pinterest e Yelp especializándose en xestión algorítmica de produtos.^[1]

Traballou para Facebook desde 2019 e revelou anonimamente os problemas inherentes ao uso de datos e os fallos no control de contido de Facebook a través de filtracións de documentos da empresa que se empregaron para publicar varios artigos. No The Wall Street Journal en setembro de 2021.^[6]

A súa identidade fíxose pública tras a emisión dun documental na serie de 60 Minutes^[7] na televisión CBS o 3 de outubro de 2021.^[8] As súas filtracións sobre Meta foron importantes para a demanda contra dita compañía polos danos causados aos menores.^[9]

Notas

1. Iyengar, Rishi (5 de outubro de 2021). "Lo que sabemos sobre Frances Haugen, la denunciante de Facebook". cnnespanol.cnn.com (en castelán). Consultado o 6 de outubro de 2021.
2. Associated Press (4 de outubro de 2021). "Ex-Facebook manager Frances Haugen, an Iowa City native, alleges social network fed Capitol riot". thegazette.com (en inglés). Consultado o 6 de outubro de 2021.
3. Milmo, Dan (4 de outubro de 2021). "How losing a friend to misinformation drove Facebook whistleblower". theguardian.com (en inglés). Consultado o 6 de outubro de 2021.
4. Roback, Jennifer (4 de outubro de 2021). "Who is Frances Haugen? Meet the Facebook whistleblower". the-sun.com (en inglés). Consultado o 6 de outubro de 2021.
5. "Frances Haugen". crunchbase.com (en inglés). 5 de outubro de 2021. Consultado o 6 de outubro de 2021.
6. Morrow, Allison (16 de setembro de 2021). "Jaw-dropping moments in WSJ's bombshell Facebook investigation". CNN (en inglés). Consultado o 6 de outubro de 2021.
7. Fernández, Marcus. "Desvélase a identidade da filtradora dos informes internos de Facebook". Código Cero - Diario Tecnolóxico de Galicia. Consultado o 2021-10-05.
8. Duffy, Clare. "Facebook whistleblower revealed on '60 Minutes,' says the company prioritized profit over public good". CNN (en inglés).
9. Pascual, Manuel G. (2023-10-31). "Frances Haugen, exempleada de Facebook: “Dentro de 10 años, nos preguntaremos por qué no regulamos antes las redes sociales”". El País (en castelán). Consultado o 2023-11-01.

Véxase tamén

Ligazóns externas

• Ficha en IMDb