From Wikipedia, the free encyclopedia
Na mitoloxía grega, Fineo foi un dos numerosos fillos de Licaón, o rei de Arcadia.
Licaón excedeuse na súa adoración a Zeus e comezou a facer sacrificios humanos en honor ó deus. Co tempo, chegou a sacrificar a tódolos estranxeiros que accedían a Arcadia, quebrantando así o sagrado deber de hospitalidade. Cando Zeus se decatou quixo comprobalo, e foi onda a corte de Licaón disfrazado de peregrino. Licaón estaba disposto a matalo, pero observou certos sinais e prefiriu asegurarse de que non se trataba de ningún deus, así que mandou preparar a carne dunha das súas vítimas e serviulla á mesa de Zeus. Ou ben foron os fillos de Licaón, entre os que se encontraba Fineo, os que lle tenderon esa trampa dándolle a comer a Zeus un meniño dun dos seus colonos.
Zeus decatouse enseguida e, totalmente anoxado, converteuno en lobo, matou a tódolos seus fillos cos seus raios divinos, e incendiou o palacio.
Pseudo-Apolodoro, que dá os nomes dos 50 fillos de Licaón, inclúe o de Fineo [1]. Non menciona a conversión en lobo senón que remata dicindo que Zeus fulminou a Licaón e ós seus fillos, excepto a Níctimo, o máis novo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.