Festival Vilar de Mouros

O Festival de Vilar de Mouros é un festival de música, que se realiza no verán na vila portuguesa de Vilar de Mouros, en Caminha, á beira do río Coura.

Para outras páxinas con títulos homónimos véxase: Vilar de Mouros.

Río Coura durante o festival en 2003.

É o festival máis antigo de Portugal e tamén da península Ibérica.^[1] As súas orixes remóntanse a 1965, cando comezou a celebrarse como un festival de folk, pero non sería ata 1971 cando se converteu nun festival de música rock. Nese ano tocaron en Vilar de Mouros artistas como Elton John e Manfred Mann's Earth Band, e esa edición foi bautizada como o Woodstock portugués.^[2]