Fernando Cortés Bugía

Fernando Cortés Bugía, nado en Betanzos o 15 de decembro de 1874^[1] e finado na Coruña o 25 de marzo de 1948, foi un pintor, escultor e debuxante galego.

Fernando Cortés Bugía

Biografía
Nacemento	15 de decembro de 1874 Betanzos, España
Morte	25 de marzo de 1948 (73 anos) A Coruña, España
Educación	Escola de Arte e Superior de Deseño Pablo Picasso (EASD)
Actividade
Ocupación	escultor, mestre, debuxante, pintor, político
Empregador	Escola de Arte e Superior de Deseño Pablo Picasso (EASD) (1931–) Escola de Arte e Superior de Deseño Pablo Picasso (EASD) (1916–)
Partido político	Partido Socialista Obrero Español
Membro de	Real Academia Galega (académico de número) (1941–1948) Real Academia Galega (membro correspondente) (1909–1941) Real Academia Galega de Belas Artes
Profesores	Román Navarro e Isidoro Brocos

Traxectoria

De pé, de esquerda a dereita: Sebastián González, Eladio Rodríguez González, Enrique Peinador, Gonzalo López Abente, Pura González Varela (muller de Lugrís), Celia Brañas Fernández, Otero Pedrayo, David Fernández Diéguez, Ángel del Castillo e Fernando Cortés Bugía. Sentados: Fernando Martínez Morás, Castelao, Manuel Lugrís Freire, Antón Villar Ponte e Félix Estrada Catoyra.^[2]

Ingresou na Escola de Artes e Oficios da Coruña, onde foi discípulo de Román Navarro e Isidoro Brocos. En 1907 converteuse en auxiliar meritorio. En 1916 obtivo a praza de profesor de ascenso, de modelado e baleirado, e en 1921, a de profesor de termo da escola. O 30 de abril de 1931 ascendeu a director do centro e a honorario deste en 1945, ano no que se xubilou. Ilustrou libros, álbums e programas de festas e colaborou en La Voz de Galicia debuxando temas de actualidade e paisaxísticos. En 1909 foi nomeado membro correspondente da Real Academia Galega e o 27 de xullo de 1941, numerario.^[3] Pertenceu á Real Academia de Belas Artes Nuestra Señora del Rosario da Coruña e á Comisión Provincial de Monumentos.

Membro da agrupación socialista da Coruña, foi elixido concelleiro en 1913, pero renunciou ao cargo unha semana despois do seu nomeamento.

Obras

É autor dos bustos de Eduardo Pondal e Manuel Murguía, emprazados nos xardíns de Méndez Núñez coruñeses; as placas de Emilia Pardo Bazán (A Coruña), Lugrís Freire (Sada) e Leiras Pulpeiro (Mondoñedo). Tamén da placa conmemorativa dos irmáns García Naveira, en Betanzos.

Notas

1. Bugallal Marchesi, José Luis (1946-1950). "Fernando Cortés Bugía". Boletín da Real Academia Galega (289-293): 144–145. ISSN 1576-8767.
2. Recepción de Castelao na Real Academia Galega na Coruña o 25 de xullo de 1934.
3. "Fernando Cortés Bugía". Real Academia Galega.

Véxase tamén

Wikimedia Commons ten máis contidos multimedia na categoría:  Fernando Cortés Bugía

Bibliografía

• Brais da Bouza [Ignacio Pérez Vázquez]: Artigo "CORTÉS BUGÍA, Fernando" en Gran Enciclopedia Galega.