Estatero de ouro exipcio

O estatero de ouro (lingua exipcia: nfr-nb –Nefer-nub–; "ouro fino") foi a primeira moeda cuñada no Antigo Exipto, arredor do ano 360 a. de C., durante o período do faraón Teos (361 ou 360 - a 359 ou 358 a. de C.), da XXX Dinastía.

Reverso dun estatero de ouro exipcio de Nectanebo II co xeroglífico nfr-nb

Historia

Coa introdución do estatero de ouro, para o pagamento dos salarios aos mercenarios gregos que estaban ao seu servizo, Teos puxo a primeira pedra do seu propio circulante no Antigo Exipto. Posteriormente, tamén Nectanebo II (360-342 a. de C.) emitiu estateros de ouro ao seu nome.^[1][2]

Reinado de Teos

• Estatero de peso equivalente ao do dárico persa (arredor de 8,42 gramos), cun bufo na esquerda, deseñado segundo o modelo ateniense, e un papiro na dereita.
• Estatero co peso dun tetradracma, cun bufo á esquerda e unha póla de oliveira na dereita no anverso e coa inscrición en demótico exipcio: "Teos ... Faraón", no reverso.^[2][3]

Reinado de Nectanebo II

• Estatero co peso do dárico (arredor de 8,42 gramos). Anverso cun cabalo brioso na dereita e reverso con xeroglíficos: nfr-nb.^[2][4][5][6]
• Estetero pequeno, cun peso de arredor de 2,56 gramos e un diámetro de 14 a 15 milímetros, coa probable representación dunha gacela saltando. Atribúeselle a Nectanebo II, aínda que tal atribución non está confirmada.

Notas

1. Noel Mark Noël. (2019). Páxina 6.
2. Wetterstrom, K. K. (2014).
3. Muhs, B. (2016). Páxina 191.
4. "Greek coins, Egypt, Nectenebo II, Daric or Stater". En Icollector.com
5. Seidel, M.; Schulz, R. (1998). Páxina 370.
6. Faucher, T.; Fischer-Bossert, W.; Dhennin, S. (2012).

Véxase tamén

Outros artigos

• Estatero
• Moeda tolemaica
• Moeda do reino do Ponto
• Moeda da Antiga Grecia

Bibliografía

• Faucher, T.; Fischer-Bossert, W.; Dhennin, S. (2012). "Les monnaies en or aux types hiéroglyphiques nwb nfr". En Boulletin de l'institut Français d'Archéologie Orientale. Tomo 112. O Cairo. Páxinas 147-169.
• Gölitzer, E. (2004). Entstehung und Entwicklung des alexandrinischen Münzwesens von 30 v. Chr. bis zum Ende der julisch-claudischen Dynastie. Gruyter Akademie Forschung. Berlín. ISBN 978-3050040899
• Muhs, B. (2016). The Ancient Egyptian Economy. 3000 - 30 BCE. Cambridge University Press. ISBN 9781107113367
• Noel Mark Noël. (2019). Currencies and Cultures. The Impact of Culture on Economic Policies and the Foundations of Money. Cambridge Scholars Pub. ISBN 9781527526495
• Seidel, M.; Schulz, R. (1998). Egypt: The World of the Pharaohs. Könemann. Colonia. ISBN 9783895089138
• Wetterstrom, K. K. (2014). "The Coinage of Nektanebo II of Egypt (and other Pharaohs)". En Classical Numismatic Review. Vol. 39. Nº 1. Primavera. Classical Numismatic Group. Páxinas 4-5.