Estadio José Rico Pérez
From Wikipedia, the free encyclopedia
O estadio José Rico Pérez é un estadio de fútbol, propiedade do Hércules Club de Fútbol. Foi inaugurado o 3 de agosto de 1974, e o seu nome débese ao expresidente herculano José Rico Pérez. Posúe unha capacidade de aproximadamente 30.000 espectadores, e está situado na rúa Foguerer José Romeu Zarandieta, no barrio Polígono San Blas, na cidade de Alacant, España.
| José Rico Pérez | |
|---|---|
 Estadio José Rico Pérez, Hércules-Elche, 13 de xaneiro de 2008 | |
| Datos | |
| Coordenadas | 38°21′26″N 0°29′33″O |
| Localización | Alacant, España  |
| Construción | |
| Inauguración | 3 de agosto de 1974 |
| Arquitecto | Francisco Muñoz Llorens |
| Estadio | |
| Superficie | Céspede |
| Dimensións | 105 x 68 |
| Capacidade | 30.000 |
| Propietario | Hércules CF[1] |
| Operadora | Hércules Club de Fútbol |
| Localía | Hércules CF |
| Eventos | |
| [ editar datos en Wikidata ] | |
O seu propietario foi o Hércules CF desde a súa inauguración, ata que en 1994 pasou a mans do concello de Alacant. En maio de 2007, tras 13 anos de propiedade municipal, o Hércules recomprou o seu estadio.[1]
O estadio inaugurouse o 3 de agosto de 1974, cun partido amigable entre o Hércules e o FC Barcelona, que acabou cun 0-4.
O Rico Pérez viviu dúas fases moi claras: na primeira (1974-1986) viviuse a idade de ouro do Hércules, eses oito anos consecutivos en 1ª División, o Mundial do 1982 coa presenza da selección arxentina, campioa da edición anterior, e sede do 3º e 4º posto entre Francia e Polonia e, tras o descenso a 2ª, o ascenso a 1ª en 1984 ante o Castelló (2-0).
En 2001 o Alicante Club de Fútbol ascendeu a Segunda B tras máis de 40 anos. O club solicitou unha axuda ó concello de Alacant para renovar o seu estadio. En caso de non conseguir o diñeiro, solicitou como alternativa o uso compartido do Rico Pérez. O alcalde optou pola segunda opción. Desde entón o estadio é compartido. Pero o 11 de maio de 2007 o estadio volveu a mans do Hércules. Ademais subscribiuse unha cláusula no contrato de recompra por parte do Hércules que especificaba como data máxima para o seu uso por parte do Alicante o ano 2012. O 3 de agosto de 2010, o Alicante CF anunciou a súa saída do Rico Perez e o seu retorno ao Camp Municipal Villafranqueza para a tempada 2010/11.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
