Emma Valcarce Pestaña

Emma Pilar Valcarce Pestaña, nada en Lugo en 1927, é unha farmacéutica e política galega do PPdeG.^[1]

Emma Valcarce Pestaña

Biografía
Nacemento	1927 (96/97 anos) Lugo, España
Alcaldesa de Mondoñedo
1987 – 1995
Datos persoais
Educación	Universidade de Santiago de Compostela
Actividade
Ocupación	farmacéutica, política, mestra
Familia
Fillos	Luís Rego Valcarce

Traxectoria

Licenciada en Farmacia pola Universidade de Santiago de Compostela, estudou tamén maxisterio e exerceu como mestra no Courel. Dende 1968 rexentou unha farmacia en Mondoñedo. Foi profesora do Instituto de Mondoñedo. Nas eleccións municipais de 1987 encabezou a candidatura de Alianza Popular que obtivo cinco concelleiros e foi elixida alcaldesa de Mondoñedo. Nas municipais de 1991 encabezou a candidatura do PPdeG e foi reelixida alcaldesa con maioría absoluta. Continuou como alcaldesa ata 1995, cando non optou á reelección. Formou parte da Asociación Amigos de la Ciudad de Mondoñedo.

Predecesor: Armando González Álvarez

Alcaldesa de Mondoñedo  1987 - 1995

Sucesor: Javier Loira Rúa

Vida persoal

Casou con Hermes Rego Martínez e foi nai de seis fillos, Hermes, Emma Pilar, José Ramón, María Isabel, María Fernanda e Luís Rego Valcarce.

Notas

1. La Voz de Galicia, 27-2-2014, p. L6.

Véxase tamén

Bibliografía

• Alvarellos, Enrique (1993). Mulleres destacadas de Galicia. Alvarellos Editora. p. 311. ISBN 84-85311-96-5.

Outros artigos

• Eleccións municipais en Mondoñedo