Diplonema (xénero)

Diplonema é un xénero de protistas de vida libre do grupo dos Euglenozoa. Distínguese de Rhynchopus da clase Diplonemea pola ausencia dun estado dispersivo flaxelado completo.

Diplonema
Clasificación científica
Reino: Protista (sen clasif.) Excavata Filo: Euglenozoa Clase: Diplonemea Orde: Diplonemida Familia: Diplonemidae Xénero: Diplonema
Especies
D. breviciliata     D. nigricans     D. papillatum     D. ambulator     D. metabolicum

Características

Diplonema presenta dous curtos flaxelos de igual lonxitude e dúas aberturas subapicais. A maioría son de vida libre, pero informouse de casos de infección en ameixas e a descomposición súbita de plantas de acuario nas que poden estar implicados estes microorganismos. Foi descrito inicialmente en 1914 e despois redescuberto na década de 1960 e chamado Isonema, clasificándoo incorrectamente entre os euglénidos (agora nos diplonémidos).^[1]