Cuartel de Atocha
cuartel da cidade da C, oruña From Wikipedia, the free encyclopedia
O cuartel de Atocha é un edificio de uso militar situado na cidade da Coruña. Construído en estilo neoclásico, no seu momento foi o maior edificio da cidade.
| Cuartel de Atocha | |
|---|---|
 Fachada do edificio. | |
| Edificio | |
| Localización | Praza das Atochas 15001, A Coruña |
| Coordenadas | 43°22′21″N 8°23′41″O |
| Uso(s) | militar |
| Construción | |
| Inicio | 1859 |
| Remate | 1864 |
| Dimensións | |
| Plantas | 3 |
| Equipo | |
| Arquitecto(s) | Joaquín Montenegro Guitart |
| [ editar datos en Wikidata ] | |
Ata 1744 os soldados eran acollidos en casas particulares e a partir dese ano foi o convento de San Francisco o que serviu para este labor.[1] Finalmente decidiuse a construción do cuartel do Príncipe Afonso sobre o soar no que estivo o convento de San Domingos que fora destruído no ataque de Francis Drake de 1589, situado entre o campo da Estrada e o campo da Leña.[1]
As obras, dirixidas polo tenente coronel do corpo de enxeñeiros Joaquín Montenegro, comezaron o 11 de xullo de 1859 e remataron en 1864. Con todo, os pavillóns para oficiais non foron construídos. A capacidade era de 1800 soldados, chegando a 2400 en caso de necesidade.[1]
Nos primeiros anos do século XX instalouse no cuartel, no campo da Estrada, o primeiro aeródromo coruñés, mais a construción dunha grande antena de radiotelegrafía acabou con esa posibilidade.[2]
Tras cambiar o nome ao de cuartel de Afonso XII, en 1931 recibiu o nome de cuartel de Atocha.[3]
En xullo de 1936, o coronel do cuartel Pablo Martín Alonso rebelouse contra o seu superior, o xeneral Rogelio Caridad Pita, que permaneceu fiel á República. Caridad Pita foi sometido a consello de guerra e fusilado.[4]
En 2004 o goberno español admitiu que estaba a negociar co concello o traspaso do edificio, mais finalmente non se levou a cabo.[2]
O cuartel é un edificio de tres plantas con estilo neoclásico, con 175 metros de longo e 60 de largo.[1] No momento da súa construción era o edificio máis grande da cidade.[5]
A fachada principal dá ao campo da Leña e diante dela sitúanse dúas garitas. O tellado é a dúas augas, con bufardas con pequenos frontóns de granito.[1]
Os patios interiores contan cunha galería porticada.[1] A parte posterior foi pechada en 1935.[3]
No cuartel consérvase o monumento ao soldado de Francisco Asorey.[4]
O cuartel de Atocha foi o que máis soldados acolleu en Galicia, como os rexementos Zamora e Isabel La Católica. Na actualidade, é a sede dunha unidade da Forza Loxística Operativa (FLO), xunto con outras unidades dependentes dela.[3]
No edificio está instalada a Biblioteca Histórica Militar da Coruña, situada ata 1994 no cuartel de Macanaz.[6] Tamén é a sede do Centro de Historia e Cultura Militar Noroeste.[7]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
