Corónide

Na mitoloxía grega, Coronis ou Corónide é unha rapaza de Larisa amante do deus Apolo. Trátase da nai de Asclepio.

Domenico Zampieri: Apolo tíralle unha frecha a Coronis (Apollo trafigge Coronide, 1616 - 1618). Villa Aldobrandini.

Coronis élle infiel a Apolo cun mozo tesalio. Segundo as obras de Hesíodo, Píndaro, Calímaco, Pausanias e o Pseudo-Apolodoro, o rapaz chámase Isquis; Antonino Liberal chámalle Alcioneo.

O deus Apolo é avisado do asunto por un corvo, animal de plumaxe branca até aquelas, pero castigado pola súa indiscreción por Apolo, quen o volve totalmente negro e portador de malos augurios. Esta metamorfose é narrada tanto por Calímaco como por Hesíodo.

Asclepio é o froito do amor entre Apolo e a moza, que morre estando embarazada atravesada por unha frecha do celoso deus, extraendo a Asclepio do seu ventre e entregándollo ao centauro Quirón para que o criara. Tras a cesárea póstuma, Coronis é incinerada.

Véxase tamén

Ligazóns externas

Wikimedia Commons ten máis contidos multimedia na categoría:  Corónide

• "O corvo" en Metamorfoses, de Ovidio: Libro II, 533 - 541. Texto español en Wikisource.
• "Apolo e Coronis (I)" en Metamorfoses, II, 542 - 547a: texto español en Wikisource.
• "Apolo e Coronis (II)" en Metamorfoses, II, 596 - 632: texto español en Wikisource.
  • II, 531 - 632: texto inglés, con índice electrónico, no Proxecto Perseus. Poden empregarse os rótulos activos "focus" (para cambiar ao texto inglés de 1567 de Arthur Golding ou ao texto latino) e "load" (para a comparación entre os textos ingleses ou para o texto bilingüe).
    • Metamorfoses, II: texto latino en Wikisource.
• Hixino: Fábulas (Fabulae).
  • 202: Coronis (Coronis).
    • Texto italiano.
    • Texto inglés no sitio Theoi.
      • Texto latino no sitio da Bibliotheca Augustana (Augsburgo).
      • Ed. de 1872 en Internet Archive: texto latino en facsímile electrónico.
• Apolo e Coronis; en italiano.
  • Iconografía e referencias.
• Coronis no Proxecto Perseus.