Comuna de Gambier

A comuna de Gambier (en francés, commune des Gambier) é unha unidade administrativa da Polinesia Francesa, no distrito de Tuamotu-Gambier. Mangareva, como única illa habitada ao sur das Tuamotu, é a capital de comuna das illas Gambier e dos diversos atois ao sur das Tuamotu. A poboación en 2002 era de 1.097 habitantes. A capital é Rikitea, na illa de Mangareva. A comuna consta das illas Gambier e os atois máis meridionais das Tuamotu:

Comuna de Gambier

Bandeira
Localización
23°08′02″S 134°56′42″O
Colectividade	Polinesia Francesa
División administrativa da Polinesia Francesa	Illas Tuamotu-Gambier
Poboación
Poboación	1.535 (2017) (49,52 hab./km²)
Xeografía
Superficie	31 km²
Identificador descritivo
Código postal	98755, 98792 e 98793

Illas Gambier

Son, ademais de Mangareva: Taravai, Akamaru, Aukena, Temoe, e diversos illotes.

Grupo Acteón (Groupe Actéon)

O grupo Acteón está formado por catro atois: Tenararo, Vahanga, Matureivavao e Tenarunga. Tamén se lle chamou grupo Matureivavao. Foi descuberto por Pedro Fernández de Quirós, en 1606, que o describe como catro illas iguais coroadas de cocos. En diferentes relacións da viaxe sae como «as Catro Coroadas», «as Catro Irmás» ou «as Alagadas». En 1983 foron devastadas polos efectos dun ciclón.

Marutea Sur

Marutea Sur é un atol de 14 km² ao sur das Tuamotu. Foi descuberto por Quirós, que a chamou «San Telmo», «San Blas» ou «Curral de Auga». Explorado en 1791 por Edward Edwards mentres buscaba aos amotinados do Bounty, chamouno Lord Hood. É visitado ocasionalmente por pescadores de perlas. Chámaselle coa orientación sur para distinguilo de Marutea Norte, tamén nas Tuamotu.

María Este

O atol María tamén se chama a miúdo María Este para distinguilo do illote María nas Austrais. O nome é de orixe polinesio sen ningunha relación coa Vírxe María. Historicamente tamén se lle chamou Wright Lagoon e Moerenhout. É un atol cunha lagoa pechada e con cocos e pandanaceae.

Morane

Morane é un atol formado por unha lagoa pechada e tres illotes con cocos e pandanaceae, a 110 km ao oeste de Mangareva. Tamén se lle chamou Cadmus.

Atol ou Illa	Capital	Habitantes 2002	Superficie (km²)	Lagoa (km²)	Coordenadas
Illas Gambier
Mangareva	Rikitea	870	15,4	–	23°06′S 134°58′O
Aukena	Purirau[1]	31	1,35	–	23°08′S 134°54′O
Akamaru	Tokani[1]	11	2,1	–	23°11′S 134°55′O
Kamaka		4	0,5	–	23°15′S 134°57′O
Taravai	Agakono	3	5,7	–	23°09′S 135°02′O
Illas[2]	–	0	6	419[3]	23°08′S 134°57′O
Temoe	–	0	2,1	12	23°21′S 134°29′O
Atois da comuna Tuamotu-Gambier
Matureivavao	–	0	2,5	18	21°28′S 136°24′O
Tenararo	–	0	2	1,6	21°18′S 136°45′O
Tenarunga	–	0	2,2	5	21°21′S 136°32′O
Vahanga	–	0	2	5	21°20′S 136°39′O
Morane	–	0	2	11	23°09′S 137°08′O
Marutea Sur	Auorotini	178	14	112	21°31′S 135°33′O
María Leste	–	0	3	7	22°01′S 136°11′O
Arrecifes somerxidos
Portland-Bank	–	0	0	8[4]	23°42′S 134°17′O
Arrecifes Minerva (Ebril)	–	0	0	240 [4]	22°40′S 133°30′O
Arrecifes Bertero	–	0	0		22°04′S 133°37′O
Gemeinde Gambier	Rikitea	1097	61	591

Os catro atois Matureivavao, Tenararo, Tenarunga e Vahanga forman o grupo Acteón.

Notas

1. Vila histórica, o actual non está no mesmo lugar
2. Motus dos atois e illas na lagoa
3. Superficie da lagoa nas illas Gambier
4. A lagoa somerxida non entra na suma total