Colexio de San Xerome
construción civil en Santiago de Compostela From Wikipedia, the free encyclopedia
O Colexio de San Xerome, dito tamén Colexio de Artistas, é un edificio civil de Santiago de Compostela, sito no lado meridional da praza do Obradoiro, cerrándoa por ese lado.
| Colexio de San Xerome | |
|---|---|
 Colexio de San Xerome | |
| Edificio | |
| Tipo | Colexio residencial |
| Estilo | barroco galego, románico |
| Enderezo | Praza do Obradoiro |
| Localización | Santiago de Compostela |
| Coordenadas | 42°52′48″N 8°32′44″O |
| Construción | |
| Construción | século XVII, con pórtico medieval |
| Remate | 1652 |
| Dimensións | |
| Plantas | planta terrea e sobrado |
| Equipo | |
| Arquitecto(s) | Descoñecido |
| [ editar datos en Wikidata ] | |
Este colexio menor[1] era, en orixe, unha fundación do arcebispo compostelán Alonso de Fonseca, terceiro dese nome, con intención de dedicalo a colexio de estudantes pobres e artistas, que se localizaba no denominado Hospicio da Acibecharía. Dependía do Colexio de Fonseca.
Durante o século XVII, en 1651, decidiuse trasladalo desa localización.[2] Para iso edificouse un novo edificio, na entón chamada praza do Hospital (por situarse nela o Hospital dos Reis Católicos), a actual praza do Obradoiro. Até hai poucos anos atribuíanse os planos ao arquitecto Bartolomé Fernández Lechuga (así Chamoso Lamas), e o patio ao prestixioso José de la Peña de Toro. Porén, debe dicirse que o autor da edificación é descoñecido.
Dotado dun vicerreitor e tres profesores, desapareceu como colexio menor en 1840.[1]
O resultado foi un edificio de liñas puras e apenas dous corpos de altura, no que se insertou o pórtico medieval, proveniente do devandito Hospicio, que até aquela altura acollía o colexio, que se acostuma datar entre 1490 e 1500. Este elemento arqueolóxico foi mal interpretado en anos pasados, ao tomarse por unha longa persistencia de hábitos construtivos dos mestres arquitectos galegos e proba do arraigo da arte románica en Galiza.
A portada representa, na esquerda e de dentro a fóra, as figuras de Santiago apóstolo, San Xoán e San Francisco. Á dereita e na mesma orde, San Pedro, San Paulo e San Mauro[3].
No tímpano, a figura da Inmaculada, flanqueada por Santa Margarida e Santa Catarina.
Na arquivolta, a Virxe co Neno, no centro, rodeada de figuras de santos e santas.
Galería de imaxes
Durante boa parte do século XX, foi sede da Escola Normal de Maxisterio. Desde os anos 1980, e xunto co pazo de Fonseca, alberga o Reitorado da Universidade de Santiago.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
