club deportivo e social da Coruña From Wikipedia, the free encyclopedia
O Club do Mar de San Amaro é un club deportivo e social sen ánimo de lucro fundado en 1935 a carón da praia de Santo Amaro.[1] É un referente deportivo, recreativo, social e cultural da cidade da Coruña.[2][3][4]
| Club do Mar de San Amaro | |
|---|---|
 | |
| Tipo | club |
| Data de fundación | 1935 |
| Sede | A Coruña |
| País | Galicia |
| 43°22′53″N 8°23′49″O | |
| Na rede | |
| https://www.clubdelmardesanamaro.com | |
| [ editar datos en Wikidata ] | |
En 1931 comézase a construír o primeiro edificio social do club, sendo inaugurado en 1935.[5] Finánciase coas achegas veciñais debido ao interese dos habitantes do barrio de Monte Alto pola práctica deportiva e ás necesidades hixiénico-sanitarias do barrio.[3]
A súa actividade interrómpese durante a guerra civil, retomando a súa actividade na década dos anos 40.[6] Debido á súa proximidade coa canteira utilizada na construción do dique de abrigo, o club constrúe un segundo edificio social sobre as ruínas do castelo de Santo Amaro, situado no outro extremo da cala.[7]
Nos anos 60 e 70 o club adquire máis terreos e amplía as súas instalacións incorporando a piscina exterior e o pavillón polideportivo, alcanzando a comezos dos anos 80 a cifra de 5000 socios.[6]
Por mor da ampliación do paseo marítimo demoleuse o pavillón, construíndo un novo pavillón polideportivo baixo o viario do paseo.[8] O Concello da Coruña tamén construíu unha piscina municipal xunto ao pavillón que xestiona o club en virtude dun convenio asinado entre ambas as entidades.[9]
O antigo edificio social seguiu albergando as seccións de remo e vea, até aproximadamente o ano 2011, no que queda excluído do convenio e xorden problemas xurídicos, posteriormente o club trata de recuperar a concesión do edificio para a creación dunha especie de centro de interpretación que explique a tradición mariñeira do barrio e as catástrofes marítimas que houbo na contorna.[10]
Entre instalacións e equipamento propio e xestionado, o club conta coas seguintes instalacións:
O club conta cunha gran tradición deportiva e foi o artífice dalgúns dos eventos deportivos máis destacados da cidade, como a travesía a nado de San Amaro ou a Copa de S. E. O Generalísimo de traiñeiras.[11] Nas súas instalacións tamén leváronse a cabo competicións como a Copa do Rei de Halterofilia de 2020.[12]
Organiza a travesía de San Amaro, a proba deportiva máis antiga da cidade.[5] O club ten tradición en natación desde 1936 e logrou competir na Copa de España.[11][13]
Sección tradicional que disputou a Copa de S. E. O Generalísimo de traiñeiras, ou ben como Club do Mar ou baixo a denominación Confraría Pescadores San Amaro.[14]
A súa escola de mergullo fundouna Roberto Diehl en 1968, a escola xogou un papel fundamental en labores de salvamento e rescate marítimo desde principios dos anos 70.[15] Tamén organiza campionatos de pesca submarina.[16]
É un club pioneiro neste deporte, practícase desde que Agustín Rodríguez -primeiro seleccionador nacional- instalase unha rede en 1970.[18] O club formou, polo menos, a 32 campións nacionais, chegando a ter equipo en primeira división e a organizar unha proba puntuable para o campionato de España.[11] A implicación do club, o Concello da Coruña e algunhas empresas galegas foi fundamental para lograr a creación da Federación Española de Bádminton en 1985.[18]
Pioneiro neste deporte, chegou a ter equipo en división de honra e ser un referente na formación de xogadores e no tenis de mesa adaptado chegando a ser paralímpicos os tenistas Indalecio Iglesias (Barcelona 92) e Alberto Seoane (Río 2016).[11][19][11][20]
Ten equipos desde prebenxamín a veteranos, acadando o campionato de España de 2011 na categoría benxamín.[11]
Tamén destaca polo seu labor cultural e social coa organización de actividades culturais, sociais e actos benéficos.[21][22][23]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
