CB Zaragoza

O Club Baloncesto Zaragoza, coñecido por motivos de patrocinio como Azulejos Moncayo CBZ, é un club de baloncesto español con sede na cidade de Zaragoza, Aragón. Fundado no ano 1981, é un dos equipos fundadores da Liga ACB, aínda que actualmente compiten na cuarta categoría, a Liga EBA. Durante os anos na elite do baloncesto, o equipo foi principalmente coñecido co nome de CAI Zaragoza. Entre os seus éxitos destacan dúas Copa do Rei e un subcampionato da Copa Saporta. Este equipo non debe confundirse co Basket Zaragoza 2002, equipo que representa á cidade actualmente na ACB.^[1]

Club Baloncesto Zaragoza
Información xeral
Liga	EBA
Fundación	1981
Cores	Vermello, branco, negro
Presidente	José Luis Rubio
Adestrador	Toño Martín
Patrocinador	Azulejos Moncayo
Localización
Cidade	Zaragoza, España
Pavillón	Pabellón Polideportivo Universitario
Campionatos
Copa do Rei	2 (1984, 1990)
cbzaragoza.com

Para o actual equipo da Liga ACB, véxase Basket Zaragoza 2002.

Historia

En 1981 o Centro Natación Helios non pode manter o apoio económico á súa sección de baloncesto para poder xogar en Primeira División. Ante este feito, José Luís Rubio, presidente do Club Baloncesto Helios, decide en unión dos seus compañeiros de xunta directiva e abonados do club, separarse e fundar o Club Baloncesto Zaragoza. Na primeira temporada (1981−1982) a masa social era duns 450 abonados. A data histórica máis transcendental para a vida do club prodúcese en xullo de 1982 cando se chega a un importante acordo de patrocinio coa Caja de Ahorros de la Inmaculada (do castelán: Caixa de Aforros da Inmaculada). Asegurábase así a continuidade dun club na elite do baloncesto nacional. A partir dese contrato, o club pasou a chamarse CAI Zaragoza.

O Zaragoza é un dos clubs fundadores da ACB e disputou a súa competición durante catorce temporadas ininterrompidas, entre 1983 e 1996. Durante o seu periplo na elite, o Zaragoza conquistou dúas Copas do Rei: a de 1984 ante o FC Barcelona^[2] e a de 1990 ante o Joventut Badalona,^[3] sendo finalista en 1992 ante CB Estudiantes e 1995 ante Taugrés Vitoria. Ademais, foi o terceiro clasificado da Liga ACB nas temporadas 1986−1987 e 1987−1988, tan só por detrás do Barcelona e o Real Madrid. A nivel europeo, o CAI foi subcampión da Recopa de Europa de 1991 ao perder a final, disputada en Xenebra, contra o PAOK Complan por 76−72. Ao finalizar a temporada 1995−1996, o primeiro equipo foi expulsado da ACB por problemas económicos; manténdose unicamente en competición algúns conxuntos das categorías inferiores. Actualmente o club conta cun equipo sénior que compite en Liga EBA.

Patrocinios

Por motivo de patrocinio, o club tivo diversos nomes ao longo da súa historia:

• Zaragoza Skol (1981−1982)
• CAI Zaragoza (1982−1992)
• Banco Natwest Zaragoza (1992−1994)
• Amway Zaragoza (1994−1996)
• Adecco Zaragoza (2001−2003)
• Serviplem Baryval Zaragoza (2004−2008)
• 100x100 Basket Zaragoza (2009−2015)
• Azulejos Moncayo CBZ (2015–presente)

Xogadores

Destacados

• Santiago Aldama
• Dani Álvarez
• Quique Andreu
• Alberto Angulo
• Lucio Angulo
• Fernando Arcega
• Joaquín Arcega
• Pepe Arcega
• Manel Bosch
• José Manuel Cabezudo
• Raúl Capablo
• Indio Díaz
• José Miguel Hernández
• Jesús Iradier
• Rogelio Legasa
• José Luis Llorente
• Charly López Rodríguez
• Fran Murcia
• Fernando Romay
• Joaquín Ruiz Lorente
• Quino Salvo
• Manel Sánchez
• Rafael Sansegundo
• Francisco Zapata
• Chuck Aleksinas
• Michael Anderson
• Ken Bannister
• Tim Burroughs
• Mark Davis
• Kenny Green
• Claude Gregory
• Dennis Hopson
• Kevin Magee
• Bobby Phills
• Claude Riley
• Andy Toolson
• Andre Turner
• Rickie Winslow
• Valdemaras Chomičius
• Piculín Ortiz
• Alexander Belostenny

Adestradores

A seguinte é unha lista dos adestradores do Zaragoza na súa etapa na Liga ACB.

• Pepe Laso (1981−1983)
• León Najnudel (1983−1984)
• Pepe Laso (1984−1985)
• Manel Comas (1985−1987)
• Ranko Žeravica (1987−1989)
• Moncho Monsalve (1989)
• Jesús Carrera (1989−1990)
• Manel Comas (1990−1992)
• Mario Pesquera (1992−1993)
• Herb Brown (1993−1994)
• Alfred Julbe (1994−1996)

Palmarés

Copa do Rei

• Campións (2): 1984, 1990
• Subcampións (2): 1992, 1995

Historial

Ano	Nivel	Liga	Pos.	V–D	Copa do Rei	Outras copas		Competicións europeas
1981–82	1	1ª División	6º	15–11
1982–83	1	1ª División	4º	16–1–9	Oitavos de final			3 Copa Korać	CF	5–3
1983–84	1	ACB	4º	20–16	Campións			3 Copa Korać	SF	7–1
1984–85	1	ACB	8º	17–16		Copa Asociación	2º	2 Copa Saporta	SF	5–3
						Supercopa	2º
1985–86	1	ACB	4º	21–11	Cuarto lugar			3 Copa Korać	R2	3–1
1986–87	1	ACB	3º	21–12	Semifinais	Copa Príncipe	OF	3 Copa Korać	SF	5–5
1987–88	1	ACB	3º	18–17	Cuartos de final	Copa Príncipe	SF	3 Copa Korać	CF	3–5
1988–89	1	ACB	4º	23–18	Semifinais			3 Copa Korać	CF	4–4
1989–90	1	ACB	9º	20–19	Campións			3 Copa Korać	FG	6–4
1990–91	1	ACB	6º	22–16	Cuartos de final			2 Copa Saporta	2º	8–3
1991–92	1	ACB	5º	28–11	Subcampión			3 Copa Korać	FG	6–4
1992–93	1	ACB	7º	19–18	Cuarto lugar			2 Copa Saporta	SF	10–6
1993–94	1	ACB	14º	12–19	Terceira rolda			3 Copa Korać	FG	2–8
1994–95	1	ACB	6º	24–17	Subcampión
1995–96	1	ACB	7º	25–15	Cuartos de final			3 Copa Korać	FG	3–7
1996–01	Non participou en ningunha competición
2001–02	4	Liga EBA	13º	12–22
2002–03	4	Liga EBA	9º	14–16
2003–04	Non participou en ningunha competición
2004–08	Categorías inferiores
2008–09	6	1ª División		13–13
2009–10	5	1ª División	9º	10–16
2010–11	5	1ª División	3º	19–6
2011–12	5	1ª División	1º	25–1
2012–13	5	1ª División	1º	20–5
2013–14	5	1ª División	1º	22–4
2014–15	5	1ª División	1º	19–4
2015–16	5	1ª División	1º	17–3
2016–17	5	1ª División	2º	16–4
2017–18	5	1ª División	2º	10–5
2018–19	5	1ª División	2º	16–5

Notas

1. "Historia en imágenes" [Historia en imaxes]. zaragozaesacb.wordpress.com (en castelán). Consultado o 18 de agosto de 2021.
2. "¡Campeón!". El Mundo Deportivo. 2 de decembro de 1983.
3. "76-69 - CAI, soberano campeón". El Mundo Deportivo. 14 defebreiro de 1990.

Véxase tamén

Ligazóns externas

• Páxina web oficial do CB Zaragoza