Ceredig ap Gwallog

Ceretic de Elmet, ou Ceredig ap Gwallog, foi o derradeiro rei de Elmet, un reino britano que existiu na zona de West Yorkshire da Britania setentrional durante a época posromana.

Ceredig ap Gwallog

Biografía
Morte	617
Rei
Actividade
Ocupación	monarca
Familia
Pai	Gwallog ap Llaennog

Traxectoria

Beda informa que Santa Hilda (nada en 614), membro da familia real de Deira, medrou na corte do rei Ceretic, despois de fuxir do usurpador northumbrio, Æthelfrith de Bernicia. Beda describe a Ceretic como "rei dos britóns", se cadra falaba só dos britanos desa zona. Cando Edwin de Deira volveu ao poder en 617, Ceretic foi expulsado, supostamente debido á complicidade no envelenamento do pai de Hilda, e o seu reino foi anexionado a Northumbria. Probabelmente fose el o Ceretic cuxa morte se recorda nos Annales Cambriae en 616 (que habería que corrixir a 617 ou pouco despois)^[1]. Pénsase xeralmente que é o mesmo que o Ceredig ap Gwallog, un 'Home do Norte', cuxo pai, Gwallog ap Llaennog, é asociado con Elmet polo poeta Taliesin.