Cayetano Aldrey Salvado

Cayetano Antonio Aldrey Salvado, nado en Lobio (Santiago de Compostela) o 3 de maio de 1851 e finado en Buenos Aires o 11 de maio de 1922^[1], foi un mestre e filólogo galego.

Cayetano Aldrey Salvado

Biografía
Nacemento	3 de maio de 1851 Santiago de Compostela, España
Morte	11 de maio de 1922 (71 anos) Buenos Aires, Arxentina
Actividade
Membro de	Real Academia Galega (membro correspondente)
Descrito pola fonte	Gran Enciclopedia Galega Silverio Cañada

Traxectoria

Estudou no seminario compostelán no que fixo amizade con Bernardo Rodríguez Ribeira e do que saíu antes de ordenarse^[2]. En 1874 emigrou á Arxentina e instalouse en Buenos Aires ata a súa morte. Dedicouse ao ensino privado e ao estudo de temas lingüísticos e filolóxicos. En 1896 propúxolle ao Goberno arxentino a elaboración dun texto oficial o solucionase o conflito da docencia e que servira de base para a aprendizaxe de cada materia. A súa proposta foi aceptada dous anos máis tarde mediante a apertura dun concurso para escoller os textos. Tamén se ocupou do estudo de cuestións filolóxicas do idioma galego, sobre as que polemizou con Julio Dávila e Bernardo Rodríguez. Colaborou en El Correo Español, El Eco de Galicia e Almanaque Gallego. Integrouse na Xunta Protectora da Academia Galega na súa fundación (1906) e defendeu a creación dun idioma universal.

Obras

• Artículos publicados en la prensa, corregidos y ampliados, del estudio de la lengua castellana por los Señores Baldmar F. Dobranich y R. Monner Sanz, 1894.
• Ortografía fonética. Justificación de la usual española, 1896.
• Correspondencia sobre cuestiones gramaticales, 1900.
• Barbarismos de la inscripción del monumento a los mártires de Carral, 1907.

Notas

1. Necrolóxica en El Eco de Galicia, 1110, 20-5-1922, p. 1.
2. Biografía Bernardo Rodríguez Ribeira

Véxase tamén

Bibliografía

• Dicionario biográfico de Galicia, Ir Indo Edicións, 2010-2011, Vigo.
• Gran Enciclopedia Gallega.