Carlos Vázquez Pimentel

Carlos Vázquez Fernández-Pimentel, máis coñecido como Carlos Vázquez Pimentel, nado en Lugo e finado na mesma cidade o 23 de marzo de 1984,^[1] foi un médico e político galego.

Carlos Vázquez Pimentel

Biografía
Nacemento	século XIX Lugo, España
Morte	23 de marzo de 1984 Lugo, España
Alcalde de Lugo
1934 – 1934 ← José Cobreros de la Barrera – Camilo López Pardo →
Actividade
Ocupación	médico, político
Familia
Irmáns	Luís Pimentel José Vázquez Fernández-Pimentel María Mercedes V. Fernández-Pimentel

Traxectoria

Irmán do poeta Luís Pimentel. Traumatólogo, exerceu no Sanatorio Pimentel de Lugo. Participou na reorganización da Agrupación Socialista de Lugo en 1930. Foi elixido concelleiro e foi tenente de alcalde na primeira corporación republicana e vogal Comisión Xestora Provincial (entre maio de 1931 e febreiro de 1934). Foi candidato do PSOE nas Eleccións a Cortes Constituíntes de 1931. A finais de febreiro de 1934 foi elixido alcalde de Lugo, logo da dimisión de José Cobreros de la Barrera, permanecendo no posto ata outubro dese ano. Formou parte da xunta do Museo Provincial de Lugo.

Ao producirse o golpe de Estado do 18 de xullo de 1936 foi sancionado cunha multa de 25.000 pesetas e confinado primeiro en Palencia en decembro de 1937 e despois en Castropol (de marzo de 1938 a marzo de 1939). Foille levantada a sanción logo de atender varios feridos a conta do sanatorio Pimentel e doar cantidades superiores a 39.000 pesetas para o Exército e milicias e o primeiro piso da súa casa para Secretaría de Falange.^{[Cómpre referencia]} En 1940 foi expedientado por responsabilidades políticas e sancionado co pago de 100 pesetas.^[2]

Predecesor: José Cobreros de la Barrera

Alcalde de Lugo  1934

Sucesor: Camilo López Pardo

Vida persoal

Casou en xaneiro de 1935 con Carmen Llamas Montero,^[3] que finou en 1979,^[4] e foi pai de Carlos, Germán, Felipe e Isabel Vázquez-Pimentel Llamas.

Notas

1. Necrolóxica en La Voz de Galicia, 24-3-1984, p. 42.
2. 80 aniversario do Museo Provincial de Lugo. Crónica dun acto
3. La Voz de Galicia, 27-1-1935, p. 8.
4. La Voz de Galicia, 25-1-1979, p. 49.

Véxase tamén

Bibliografía

• Botana Iglesias, Rocío (2012). Fundación Luís Tilve, ed. O movemento obreiro socialista na provincia de Lugo (1902-11936). Santiago de Compostela. p. 379. ISBN 978-84-95773-26-5.
• Simón Lorda, David (2012). "Recuperando a Memoria (histórica) na sanidade galega (IV): GALENOS de GALICIA: Guerra Civil e represión polo franquismo" (PDF). Cadernos de Atención Primaria 18 (4): 84–90 359.
• Somoza Cayado, Antonio (2008): "Interinidade e conflitividade: dinámica institucional do Concello de Lugo na Segunda República". p. 321-342. Homenaxe a Xosé Ramón Barreiro Fernández. USC.

Ligazóns externas

• Ficha en represión franquista en Lugo