Carlos Aymerich

Carlos Ignacio Aymerich Cano, nado en Vigo en 1967, é un profesor universitario e político nacionalista galego que militou no BNG.

Carlos Aymerich

(2009)
Biografía
Nacemento	1967 (56/57 anos) Vigo, España
Deputado no Congreso dos Deputados
21 de marzo de 2000 – 20 de xaneiro de 2004 Lexislatura: VII lexislatura de España Circunscrición electoral: Circunscrición electoral da Coruña Electo en: Eleccións Xerais 2000 en España
Actividade
Ocupación	político
Partido político	Bloque Nacionalista Galego

Traxectoria

Deputado no Congreso español pola provincia da Coruña entre os anos 2000 e 2004, tamén foi deputado pola Coruña no Parlamento galego polo BNG dende xullo de 2005 ata marzo de 2013.^[1]

Despois da dimisión de Anxo Quintana como voceiro nacional tralas eleccións ao Parlamento de Galicia de 2009, Carlos Aymerich postulouse como novo candidato a este posto a través da plataforma Máis BNG. Foi o voceiro do BNG no Parlamento de Galicia até o 8 de febreiro de 2012.^[2]

O 29 de febreiro de 2016, trala XV Asemblea Nacional do BNG, anunciou que abandonaba o partido.^[3] Desde entón ocupa a secretaría xeral da Universidade da Coruña, no equipo de goberno do reitor Xulio Abalde.

Publicacións

Obras colectivas

• O Tratado da Constitución Europea. Visións desde Galiza, 2005, Baía Edicións.
• A Unión Europea como problema. Reflexións desde Galiza, 2014, Fundación Galiza Sempre.