Carballido, Alfoz
parroquia civil do concello de Alfoz From Wikipedia, the free encyclopedia
San Sebastián de Carballido é unha parroquia do concello de Alfoz. En 2004 tiña 356 habitantes distribuídos en 17 entidades de poboación e un lugar, cunha densidade media de 43'7 hab./km². Segundo o IGE, no 2014 a súa poboación descendera ata os 290 habitantes, sendo 142 homes e 148 mulleres.
Para outras páxinas con títulos homónimos véxase: Carballido.
| Carballido | |
|---|---|
 Igrexa parroquial de San Sebastián de Carballido | |
 | |
| Concello | Alfoz[1] |
| Provincia | Lugo |
| Coordenadas | 43°32′00″N 7°24′00″O |
| Área | 8,14 km² |
| Poboación | 256 hab. (2019) |
| Densidade | 31,45 hab./km² |
| Entidades de poboación | 17[1] |
| [ editar datos en Wikidata ] | |
Ten unha superficie de 8,14 km². Limita coas parroquias do Castro de Ouro, Adelán, Bacoi e cos concellos de Foz e Mondoñedo. Pertence ao arciprestado do Valadouro.
A igrexa parroquial de san Sebastián de Carballido sitúase na aldea de Barbeito. De finais do século XVIII, ten unha soa nave e dúas sancristías situadas a ambos os lados da capela maior. A fachada principal ten porta con arco adintelado, cos extremos curvados e unha inscrición conmemorativa da construción do templo. Tamén ten unha torre-campanario dun só corpo con elementos arquitectónicos característicos do estilo barroco.
O pazo de Allegue está situado no lugar dese nome, nunha zona de prados e arborados. Está na aba dunha montaña formada por grandes masas rochosas, sen vexetación. Disponse no medio dunha leira cerrada por un muro baixo de pedra. Fóra da leira hai un interesante cruceiro e restos dun pombal. Está formado por dous corpos perpendiculares de planta rectangular, nunha delas esta acaroada unha pequena capela. Os muros son de cadeiría nun dos corpos e de mampostos de granito no outro con esquinais, xambas e linteis. As cubertas son de lousa e sobre delas hai dúas chemineas de cantería. É de propiedade privada.
Lugares de Carballido
| Lugares da parroquia de Carballido no concello de Alfoz (Lugo) | |
|---|---|
|
A Agueira | Allegue | Barbeito | O Carballal | A Cruz | O Espido | Facelude | A Granda | A Nespereira | A Palloza | Os Penoucos | Piñeirós | As Pontellas | Porto do Río | A Presa | O Pumar | A Rega | Solbeira |
Parroquias de Alfoz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
