Candelaria
From Wikipedia, the free encyclopedia
Candelaria é un municipio e cidade española pertencente á provincia de Santa Cruz de Tenerife, nas Canarias. Está situado na vertente sueste da illa de Tenerife. O municipio atópase a vinte quilómetros ao sur da capital; Santa Cruz de Tenerife. É un lugar de frecuentes peregrinacións por atoparse nesta vila a imaxe da Patroa das Canarias, a Virxe da Candeloria. O municipio de Candelaria ten unha grande importancia non só relixiosa, senón tamén histórica, pois nel uníronse as culturas guanche e castelá contorna á imaxe da Virxe de Candelaria. Pertence á comarca do Val de Güímar, da cal é capital económica, aínda que non histórica xa que este título confíreselle a Güímar, municipio ao que Candelaria pertenceu desde sempre xunto cos veciños Arafo e Fasnia.
| |||||
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Illas Canarias | ||||
| Provincia | Provincia de Santa Cruz de Tenerife | ||||
| Capital | Candelaria (en) | ||||
| Poboación | |||||
| Poboación | 28.795 (2024) (585,5 hab./km²) | ||||
| Xeografía | |||||
| Superficie | 49,18 km² | ||||
| Bañado por | Océano Atlántico | ||||
| Altitude | 240 m | ||||
| Comparte fronteira con | |||||
| Santo padrón | Santa Ana | ||||
| Organización política | |||||
| • Alcalde | José Gumersindo García Trujillo (en) | ||||
| Identificador descritivo | |||||
| Código postal | 38530 | ||||
| Fuso horario | |||||
| Código INE | 38011 | ||||
| Outro | |||||
| Irmandado con | |||||
| Sitio web | candelaria.es | ||||
Tiña unha poboación de 22.477 habitantes en 2008.
Lugares de interese relixioso
O municipio de Candelaria acolle a peregrinación anual de Candelaria (en febreiro e en agosto, esta última é a máis importante), así como aos peregrinos que visitan o municipio en todas as demais épocas do ano. As principais paradas da súa visita son a Basílica da Candelaria e a Cova de Achbinico.
Basílica de Nosa Señora da Candelaria
A Basílica de Nosa Señora da Candelaria, declarada Ben de Interese Cultural, é o templo máis importante do municipio e un dos principais templos do arquipélago, pois é onde se atopa a imaxe da Patroa das Canarias. É o principal templo dedicado á Virxe María nas Illas Canarias, e é tamén o santuario que atrae máis peregrinos.
A actual basílica data de 1959 e foi construída sobre unha antiga igrexa. Destaca a súa alta torre-campanario. Aos seus pés atópase a Praza da Patroa das Canarias. A imaxe da Virxe apareceu en Chimisay, ao redor de 1390. O primeiro gran Santuario á Virxe de Candelaria foi o construído en 1668. Despois do aumento das peregrinacións dos devotos e do incendio que sufriu o templo orixinal, creouse a necesidade de construír un templo máis grande (a basílica actual), que ten capacidade para 5.000 persoas.
Cova de Achbinico
A Cova de Achbinico tamén chamada Cova de San Blas, foi o primeiro templo cristián das Canarias, neste lugar os guanches renderon culto á Virxe de Candelaria. Esta cova atópase detrás da Basílica e é visitada por peregrinos, que adoitan levar e deixar veas acesas e facer peticións á Virxe. Dentro da cova hai unha réplica en bronce da Virxe de Candelaria.
Véxase tamén
 |
Wikimedia Commons ten máis contidos multimedia na categoría: Candelaria  |
Ligazóns externas
Wikiwand - on
Seamless Wikipedia browsing. On steroids.