entidade financeira galega From Wikipedia, the free encyclopedia
Caixa Galicia foi unha entidade financeira de Galiza, activa entre 1978 e 2010. Foi a maior de Galiza e unha das dez maiores de España nos anos finais do século XX. Cunha rede superior ás 800 oficinas en todas as comunidades autónomas españolas, a entidade estaba tamén presente en dez países de Europa e América, incluíndo as súas últimas aberturas en Miami, Panamá, e o Brasil. Logo dunha importante crise económica e financeira, en 2010 anunciouse a súa fusión con Caixanova, dando lugar a Novacaixagalicia e posteriormente a Abanca.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2018.) |
Caixa Galicia  | |
|---|---|
 Oficina principal de Caixa Galicia na Coruña | |
| Tipo | Sociedade Anónima |
| Fundación | 1978, A Coruña |
| Matriz | Banesco |
| Localización |  Galiza |
| Industria | Banca |
| Produtos | Servizos Financeiros |
| [ editar datos en Wikidata ] | |
Caixa Galicia constituíuse en 1978 coa fusión da Caixa de Aforros e Monte de Piedade da Coruña e Lugo (que á súa vez se fusionaran en 1944) coa Caixa Xeral de Aforros e Monte de Piedade de Ferrol.[1]. Dous anos despois uniuse a Caixa Galicia a Caixa de Aforros de Santiago de Compostela[2]. As caixas existentes nas cidades galegas comezaron un proceso de fusións e absorcións ata quedar no norte Caixa Galicia e no sur Caixanova. No ano 2006 Caixa Galicia conseguiu un beneficio atribuído de 443 millóns de euros, cun aumento do 76% respecto do ano 2005. Incrementou un 37% o volume de negocio xestionado e un 46% o volume de investimento crediticio, cun 58% de incremento en investimento a empresas. Deste xeito a entidade finalizou o primeiro exercicio do seu Plan Estratéxico 2006-2010 superando os obxectivos establecidos e consolidando a organización como unha gran plataforma comercial, con unidades especializadas no deseño de produtos pensados para o cliente e unha estrutura de canles de distribución dedicados á venda e o servizo de cualidade.
A actividade básica da sociedade Corporación CaixaGalicia consistía en agrupar as participacións empresariais da matriz en sectores económicos fundamentais para o desenvolvemento de Galiza. Entre as empresas que contaban coa presenza de Caixa Galicia no seu accionariado estaban Pescanova, o Banco Etcheverría, Sacyr Vallehermoso, Galp, Astroc, Tecnocom ou Unión Fenosa. Ademais, posuía un grupo empresarial propio con importantes empresas en diversos sectores económicos.[Cómpre clarificar] En total, 120 empresas de 20 sectores económicos.[Cómpre referencia]
No ano 2007 a entidade implicouse nunha intensa actividade sociocultural, á que contribuíu con 89,55 millóns de euros, na que a conservación ambiental ten un papel destacado, ao lado das liñas tradicionais do seu programa estratéxico, como a Cultura, a Arte, os Maiores, o voluntariado, a loita contra a exclusión dixital ou o programa de microcréditos. É a terceira maior contribución a actividades socioculturais entre as caixas españolas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
