Fundación Penzol

A Fundación Penzol é unha institución viguesa creada o 5 de maio de 1963, cando Fermín Penzol (1901-1981) decidiu doar a súa biblioteca e crear un centro de estudos e documentación acerca da lingua e a literatura galega. O seu presidente é Manuel Puga Pereira e o director é Francisco Domínguez Martínez.

Fundación Penzol
Sede da fundación
Tipo	Cultural
Data de fundación	5 de maio de 1963
Fundador(es)	Fermín Penzol
Presidente/a	Manuel Puga Pereira (-)
Premios	Medalla de Ouro de Galicia
Localización
Sede	Casa Galega da Cultura
Enderezo	Praza da Princesa
En	Vigo
País	Galicia
42°14′19″N 8°43′31″O
Na rede
https://hoxe.vigo.org/movemonos/m_penzol.php?lang=gal
[ editar datos en Wikidata ]

Descrición

Esta colección foi iniciada na época de estudante de Fermín Penzol, cando militou no movemento nacionalista na Mocidade Céltiga e coñeceu a Alfonso Daniel Rodríguez Castelao, Ramón Cabanillas e Vicente Risco. O fondo inicial da fundación, que consistiu en 7 751 libros, 6 012 folletos e moitas revistas periódicas, manuscritos e documentos,^[1] foise ampliando e agora ten unha das maiores coleccións de folletos, máis de 45 000 libros, documentos, periódicos, revistas, cartas e 160 manuscritos da historia recente de Galiza.

Placa.

Pouco antes da súa morte fixo depositaria do seu legado á Editorial Galaxia, que asumiu o mantemento. Na creación da fundación participaron Francisco Fernández del Riego, Ramón Piñeiro e outros galeguistas ilustres, amais de empresarios coma Antonio Fernández López e Álvaro Gil Varela.

A primeira sede da biblioteca instalouse na rúa Policarpo Sanz de Vigo, para despois trasladarse á Casa Galega da Cultura, na praza da Princesa.

Obtivo o Premio Francisco Fernández del Riego da Asociación Galega de Editores á difusión do ámbito editorial e cultural no 2012.

En 2020 foi Premio da Cultura Galega.^[2]

Notas

1. Fundación Penzol: presentación
2. "Danse a coñecer os nomes dos gañadores dos Premios Cultura Galega 2020 CRTVG". www.crtvg.es. Consultado o 2020-12-05.

Véxase tamén

Wikimedia Commons ten máis contidos multimedia na categoría:  Fundación Penzol

A Galifontes posúe textos orixinais acerca de:  Fundación Penzol

Bibliografía

• Monteagudo, Henrique (coord.) (2010). Fermín Penzol. Unha obra para un país Galaxia. ISBN 978-84-9865-312-0.
• Fermín Penzol in memoriam xulio-agosto-setembro 1981. Grial n.º 73. ISSN 0017-4181. Inclúe:

• "Penzol e a súa obra" por Ramón Lorenzo.
• "O meu Fermín, o noso Penzol, a "Penzol" de todos" por Xesús Alonso Montero.
• "Protagonistas do galeguismo no Arquivo da Fundación Penzol" por Olga Gallego e Pedro López Gómez.
• "Os fondos bibliográficos da Biblioteca Penzol".

• "Fundación, Fondos e Labor divulgativo" Fundación Penzol. Concello de Vigo.

Outros artigos

• Fermín Penzol
• Fundación Carlos Casares

Ligazóns externas

• Fundación Penzol na páxina web do Concello de Vigo.
• Fundación Penzol na páxina web de Editorial Galaxia.
• O. de 4/3/1982 por la que se reconoce clasifica e inscribe como Fundación Cultural Privada la denominada «Fundación Penzol» Arquivado 26/06/2018, en Wayback Machine. «BOE» 77, de 31/3/1982, p. 8 458. MCU (en castelán).