Beja

Beja
Localización
	38°00′56″N 7°51′55″O
Estado	Portugal
Distritos	Distrito de Beja
Capital de	Distrito de Beja ; Baixo Alentejo (subrexión) ; Q61861373
Contén a división administrativa	Albernoa e Trindade (pt) ; Baleizão (pt) ; Beja (Salvador e Santa Maria da Feira) (pt) ; Beja (Santiago Maior e São João Baptista) (pt) ; Beringel (pt) ; Cabeça Gorda (pt) ; Nossa Senhora das Neves (pt) ; Salvada e Quintos (pt) ; Santa Clara de Louredo (pt) ; Santa Vitória e Mombeja (pt) ; São Matias (pt) ; Trigaches e São Brissos (pt)
Poboación
Poboación	35.854 (2011) (31,27 hab./km²)
Xeografía
Superficie	1.146,44 km²
Altitude	243 m
Comparte fronteira con	Vidigueira ; Aljustrel ; Ferreira do Alentejo (pt) ; Castro Verde ; Serpa ; Mértola ; Cuba (pt)
Identificador descritivo
Código postal	7800
Fuso horario	UTC±00:00
Outro
Irmandado con	Béja (pt)
Páxina web	cm-beja.pt

Beja é unha cidade portuguesa, capital do distrito de Beja, na rexión do Alentejo, subrexión do Baixo Alentejo e pertencente á NUTS III Baixo Alentejo, que conta cerca de 23 500 habitantes. É tamén sede da diocese de Beja

Datos rápidos Localización, Capital de ...

Pechar

É centro dun dos máis extensos municipios de Portugal, con 1140,21 km² de área e 35 762 habitantes (2001). Está subdividido en 18 freguesías. O municipio limita polo norte cos concellos de Cuba e Vidigueira, polo leste con Serpa, ao sur con Mértola e Castro Verde e ao oeste con Aljustrel e Ferreira do Alentexo.

Historia

Crese que a cidade foi fundada cara ao 400 a. C. polo pobo dos Conios, que a denominarían Conistorgis. As primeiras referencias á esta cidade aparecen no s. II a. C., en textos de Polibio e de Tolomeo.

Co nome alterado de Pax Iulia, foi sede dun convento xurídico (circunscrición xurídica), o conventus pacensis, pouco despois da súa fundación. Gozou de dereito itálico. A súa importancia é atestada polo feito pasar por ela unha das vías romanas.

No século V, os suevos apoderáronse da cidade, sucedéndoos os visigodos. Nesta altura pasa a cidade a denominarse Paca.

Entre os século VIII ao ano de 1162, foi posesión dos musulmáns. A caída do Califato de Córdoba en 1031, posibilitou que Beja se convertese en capital dun reino taifa. En 1144, o gobernador de Beja, Sidray ibn Wazir, apoiou a rebelión dos muridun (discípulos), conducidos por Abul-Qasim Ahmad ibn al-Husayn al-Quasi, que levantaron o Algarve contra o poder de Sevilla. No 1150, a cidade foi tomada polos almohades, anexionándoa ao seu imperio norteafricano. Fernão Gonçalves tomou a cidade para os cristiáns, conducindo as tropas do rei Afonso I, mais en 1175 a cidade volveu ser tomada polos almohades, estando en poder musulmán até 1234, data na que o rei Sancho II tomouna para os cristiáns definitivamente.

Recibiu o foral en 1524 e foi elevada a rango oficial de cidade en 1521, durante o reinado de Manuel I. Durante as guerra de Restauración portuguesa (1640-1667), foi ocupada por tropas portuguesas e españolas.

En 1770, Beja conseguiu ser sede dun bispado, logo de varios centos de anos. En 1808, as tropas napoleónicas, ao mando de Junot, saquearon a cidade e masacraron os seus habitantes.

Monumentos

Monumentos notábeis do centro histórico son:

O castelo, sito na parte alta da cidade, que está rodeado de murallas romanas.
A torre da homenaxe, de 40 m de altura, obra de fins do século XIII. Desde o alto dela pódese ver un vasto panorama das "serras" fonteirizas con España e da grande chaira alentexana. No patio pódese visitar un pequeno "museo militar".
A catedral de Santiago, acaroada a un flanco da torre da homenaxe.
A igrexa de santo Amaro acolle na actualidade un museo epigráfico e lapidario. É un dos raros monumentos de arte proto-románica en Portugal.
O convento de Nossa Senhora de Conceiçao, fundado en 1467, emparéntase estilisticamente coa grande igrexa de Batalha; hospeda hoxe o Museo da Raíña dona Leonor, e unha igrexa barroca.
A igrexa da Misericordia, de 1550.
Pelouriño de Beja, un dos pelouriños, ou rollos, de maior cualidade artística de Portugal, que data de inicios do século XVI.

Subdivisións administrativas (freguesías)

Albernoa
Baleizão
Beringel
Cabeça Gorda
Mombeja
Nossa Senhora das Neves
Quintos
Salvada
Salvador
Santa Clara de Louredo
Santa Maria da Feira
Santa Vitória
Santiago Maior
São Brissos
São João Baptista
São Matias
Trigaches
Trindade