Axila

A axila, sobaco ou sobrazo é a parte do corpo imediatamente oposta á parte exterior do ombro, ou dito doutra maneira, a parte inferior da unión do brazo co tronco, exactamente na articulación ^[1][2] .

Para outras páxinas con títulos homónimos véxase: Axila (homónimos).

Axila
Latín	axilla
Gray's	pág.585
Arteria	Arteria axilar
Vea	Vea axilar
Nervio(s)	Nervio axilar, fascículo medial, fascículo posterior, fascículo lateral
Linfa	Ganglios linfáticos axilares
MeSH	Axilla

É un espazo cheo de graxa, con forma de cono truncado, e está situada entre a parede torácica e lateral do brazo. No seu ápice é delimitada polo bordo superior da escápula, o bordo externo da primeira costela e o terzo medio da clavícula. A base da axila está formada pola pel e tecido subcutáneo. A través da axila as estruturas pasan a partir do triángulo posterior do pescozo ao membro superior.

Arteria axilar

A arteria axilar comeza a continuación da arteria subclavia no exterior das fronteiras da primeira costela, debaixo da media da clavícula.

Vea axilar

Artigo principal: vea axilar

A vea axilar é un vaso sanguíneo que conduce o sangue da parte lateral do tórax, axila e membro superior en dirección ao corazón. Este vaso é bilateral e iniciase na marxe inferior do músculo redondo maior ao unirse as veas basílica e braquial, e termina na marxe lateral da primeira costela, sitio onde se converte na vea subclavia.^[3] Ao longo do seu traxecto é acompañada pola arteria axilar.

A obstrución da vea axilar por un trombo, aínda que non é tan frecuente como nas veas da perna, ocasionalmente ocorre despois de infusión prolongada hiperosmótica de fluídos e/ou alimentación intravenosa. A consecuencia é un edema agudo do membro superior e, posibelmente, embolia pulmonar.

Sistema linfático

Os vasos linfáticos na axila son superficiais ou profundos. Medialmente os vasos linfáticos acompañan á vea subclavia e terminan nos ganglios axilares.

Nervio axilar

O nervio axilar xorde do fascículo posterior do plexo braquial á altura da axila.

Pelos axilares

Os pelos axilares comezan a aparecer na puberdade, e acaban ao final da adolescencia^[4]. A liberación de hormonas na axila nesta fase do desenvolvemento humano suxire unha asociación dos pelos no sobaco coa sexualidade ^[5].

Galería de imaxes

• 
  Músculos superficiais do peito e do fronte do brazo.
• 
  Arteria axilar e os súas ramas - Vista anterior do membro superior dereito e tórax.
• 
  As veas da axila dereita, vista frontal.
• 
  Vista dereita do plexo braquial (porción infraclavicular) na fosa axilar; visualizado a partir da vista inferior e superior (de baixo e de fronte).
• 
  Vista lateral esquerda do tórax.
• 
  A extremidade superior dereita, mostrando ósos e nervios.
• 
  Diagrama de distribución segmentar dos nervios axilares cutáneos da extremidade superior dereita.