Hauts-de-France

Hauts-de-France^[1] é unha rexión francesa. Creada a partir da reforma territorial de 2014 coa fusión de Norte-Paso de Calais e Picardía, a nova rexión entrou en vigor o 1 de xaneiro de 2016, tralas eleccións rexionais de decembro de 2015.^[2] O Consello de Estado de Francia aprobou Hauts-de-France (Alta Francia) como novo nome da rexión no día 28 de setembro de 2016.^[3] A rexión abarca unha área de máis de 31 813 km² (12 283 sq mi) e contaba no 2015 cunha poboación de 6 009 976 habitantes.^[4] A súa capital e cidade máis poboada é Lille.

Hauts-de-France

Localización
49°55′14″N 2°42′11″L
Estado	Francia
Divisións administrativas	Francia Metropolitana
Capital	Lille
Contén a división administrativa	Aisne Norte, Francia Oise Pas-de-Calais Somme
Poboación
Poboación	5.995.292 (2021) (188,45 hab./km²)
Xeografía
Parte de	Q88521111
Superficie	31.813 km²
Punto máis alto	Watigny (197 m)
Comparte fronteira con	Normandía, Suroeste Valonia Gran Leste, sueste Illa de Francia, sur Rexión Flamenga
Datos históricos
Precedido por	Norte-Paso de Calais e Picardía
Organización política
• Xefe do goberno	Xavier Bertrand (pt) (2016–)
Órgano lexislativo	Regional Council of the Hauts-de-France (en) ,
ISO 3166-2	FR-HDF
Código NUTS	FRE
INSEE region code (en)	32
Sitio web	hautsdefrance.fr

Toponimia

O nome temporal de Nord-Pas-de-Calais-Picardie foi un termo combinado baseado na suma alfabeticamente ordenada^[5] dos nomes das agora abandonadas denominacións rexionais de Norte-Paso de Calais e de Picardía.

O 14 de marzo de 2016, con suficiente anticipación á data límite do 1 de xullo, o Consello Rexional aproba "Hauts-de-France" como o nome definitivo da rexión^[1][5], supoñendo o abandono do nome provisional para o 30 de setembro de 2016.^[3]

Ao igual que sucede coa rexión do Gran Leste, o nome de Alta Francia non contén referencia algunha á historia ou identidade da área, limitándose a describir a súa posición xeográfica dentro da Francia metropolitana.

Xeografía

Mapa da nova rexión cos seus cinco departamentos, coloreados de acordo ás provincias históricas tal e como existiron ata 1790

     Picardía      Illa-de-Francia      Condado de Artois      Flandes Francés      Hainaut francés      Cambrais      Champaña      Other

A rexión linda con Bélxica (Flandres e Valonia ao nordeste), co canal da Mancha e o Reino Unido (Inglaterra ) ao noroeste, así como coas rexións galas do Gran Leste ao sueste, Illa-de-Francia ao sur e de Normandía ao sueste.

Principais poboacións

Lille

Amiens

1. Lille (227,560; prefectura da rexión)
2. Amiens (133,448)
3. Roubaix (94,713)
4. Tourcoing (91,923)
5. Dunkirk (90,995)
6. Calais (72,589)
7. Villeneuve-d'Ascq (62,308)
8. Saint-Quentin (55,978)
9. Beauvais (54,289)
10. Valenciennes (42,989)

Notas

1. Regional council votes for "Hauts-de-France", La Voix du Nord, 14 de marzo de 2016
2. "La carte à 13 régions définitivement adoptée". Le Monde (en French). Agence France-Presse. 17 de decembro de 2014. Consultado o 13 de xaneiro de 2015.
3. "Portant fixation du nom et du chef-lieu de la région Hauts-de-France" (en francés). 28 de setembro de 2016. 2016-1265.
4. "Insee - Populations légales 2012 - Populations légales 2012 des régions". Insee. Consultado o 16 de xaneiro de 2015.
5. "Relative à la délimitation des régions, aux élections régionales et départementales et modifiant le calendrier électoral" (en francés). 16 de xaneiro de 2015. 2015-29.

Véxase tamén

Outros artigos

• Norte-Paso de Calais
• Picardía

Ligazóns externas

• Páxina oficial (en francés)
• Merger of the regions - France 3Arquivado 16 de xuño de 2015 en Wayback Machine.