Alpheus Hyatt

Alpheus Hyatt (5 de abril de 1838 – 15 de xaneiro de 1902) foi un zoólogo e palaeontólogo estadounidense. Foi unha eminencia no estudo de invertebrados fósiles, especialmente cefalópodos.^[1]

Non confundir con Alpheus Hyatt Verrill.

Alpheus Hyatt

Biografía
Nacemento	5 de abril de 1838 Washington, D.C., Estados Unidos de América
Morte	15 de xaneiro de 1902 (63 anos) Cambridge, Estados Unidos de América
Lugar de sepultura	Congressional Cemetery (en)
Educación	Universidade Harvard Universidade Yale
Actividade
Campo de traballo	Paleontoloxía
Ocupación	paleontólogo, zoólogo, biólogo mariño
Membro de	Academia Naciona de Ciencias dos Estados Unidos Academia das Artes e das Ciencias dos Estados Unidos
Obra
Abreviatura do autor en zooloxía	Hyatt
Familia
Fillos	Anna Hyatt Huntington
Premios
Fellow of the Boston Society of Natural History (en)
Descrito pola fonte	Encyclopædia Britannica

Biografía

Alpheus Hyatt II naceu en Washington, D.C. fillo de Alpheus Hyatt e Harriet Randolph (King) Hyatt. Asistiu durante breve tempo á Academia Militar de Maryland e á Universidade Yale, e despois graduouse na Universidade Harvard en 1862; alistouse como soldado raso na Infantería de Voluntarios de Massachusetts para a guerra civil estadounidense, acabando co rango de capitán.^[2]

A Norwood-Hyatt House, onde Hyatt estableceu o seu laboratorio de bioloxía mariña

Despois da guerra traballou durante un tempo no Instituto Essex (agora chamado Peabody Essex Museum de Salem, Massachusetts). Xunto cun colega fundou a revista The American Naturalist e Hyatt foi o seu editor entre 1867 e 1870. Converteuse en profesor de paleontoloxía e zooloxía no Instituto de Tecnoloxía de Massachusetts en 1870, onde impartiu docencia durante dezaoito anos, e foi profesor de bioloxía e zooloxía na Universidade de Boston de 1877 ata a súa morte en 1902. Tamén serviu como curador da Sociedade de Boston de Historia Natural, onde a súa axudante foi por longo tempo a súa anterior estudante Jennie Maria Arms Sheldon, e creou un laboratorio na Norwood-Hyatt House en 1879^[3] para o estudo da bioloxía mariña en Annisquam, Massachusetts. O edificio de River Road deulle acceso ao río Annisquam, un estuario de auga salgada. Esta institución mudouse a Woods Hole e converteuse no laboratorio biolóxico mariño de Woods Hole en 1888.^[1][4][5]

Hyatt estudou co profesor Louis Agassiz^[1] e foi un dos propoñentes do neolamarckismo xunto con Edward Drinker Cope.^[6] En 1869, a Academia Americana das Artes e as Ciencias elixiuno como membro en 1875, e foi elixido membro da Academia Nacional das Ciencias dos Estados Unidos.^[7] Foi elixido membro da American Philosophical Society en 1895.^[8] En 1898, recibiu o grao honorario de LL.D. (doutor en dereito) da Universidade Brown.^[2]

El e a súa muller, Audella Beebe, coa que casou en 1867,^[9] foron os pais da famosa escultora Anna Hyatt Huntington; os seus outros fillos foron Harriet Randolph Hyatt Mayor, que tamén era escultora, aínda que menos coñecida (e nai do historiador A. Hyatt Mayor), e Alpheus Hyatt III.

Morreu en Cambridge, Massachusetts en 1902.^[2]

Publicacións

• Hyatt, Alpheus (1867). "The Moss-Animals, or Fresh Water Polyzoa". The American Naturalist 1 (2): 57–64, 131–136, 180–186. doi:10.1086/270019.
• Hyatt, A (outubro de 1880). "Transformation of Planorbis: A Practical Illustration of the Evolution of Species". Science 1 (17): 196. ISSN 0036-8075. PMID 17736203. doi:10.1126/science.os-1.17.196.
• Hyatt, A (febreiro de 1884). "The Evolution of the Cephalopoda.--Ii". Science 3 (53): 145–149. Bibcode:1884Sci.....3..145H. ISSN 0036-8075. PMID 17756220. doi:10.1126/science.ns-3.53.145.
• Hyatt, A (outubro de 1884). "The primitive Conocoryphean". Science 4 (88): 351. Bibcode:1884Sci.....4R.351H. ISSN 0036-8075. PMID 17770756. doi:10.1126/science.ns-4.88.351-c.
• Hyatt, A (outubro de 1885). "Cruise of the Arethusa". Science 6 (143): 384–386. Bibcode:1885Sci.....6..384H. ISSN 0036-8075. PMID 17830507. doi:10.1126/science.ns-6.143.384-a.
• Hyatt, A (outubro de 1887). "The Scientific Swindler Again". Science 10 (246): 203. Bibcode:1887Sci....10R.203H. ISSN 0036-8075. PMID 17775319. doi:10.1126/science.ns-10.246.203.
• Hyatt, A (febreiro de 1895). "Laboratory Teaching of Large Classes". Science 1 (8): 197–203. Bibcode:1895Sci.....1..197H. ISSN 0036-8075. PMID 17746309. doi:10.1126/science.1.8.197.
• Hyatt, A (xaneiro de 1897). "Cycle in the Life of the Individual (Ontogeny) and in the Evolution of Its Own Group (Phylogeny)". Science 5 (109): 161–171. Bibcode:1897Sci.....5..161H. ISSN 0036-8075. PMID 17781838. doi:10.1126/science.5.109.161. hdl:2027/hvd.32044072278484.

Notas

1. Encyclopaedia Britannica Alpheus Hyatt
2. Harvard University Alpheus Hyatt
3. "University Library, "Alpheus Hyatt Papers"". Syracuse University Library. Consultado o 19 de xaneiro de 2011.
4. Smithsonian Institution Alpheus Hyatt
5. Famous American.net - Virtual American Biographies Alpheus Hyatt
6. Conchology Alpheus Hyatt
7. Beecher, Charles (1 de febreiro de 1902). "Obituary Alpheus Hyatt". The American Journal of Science. s4-13 (74): 164.
8. "APS Member History". search.amphilsoc.org. Consultado o 2024-03-12.
9. T. W. Stanton. Proceedings of the Washington Academy of Sciences, Vol. 5 (1903), pp. 389-391 (3 páxinas) - JSTOR Alpheus Hyatt

Véxase tamén

Ligazóns externas

• "Alpheus Hyatt (1838–1902)". Arquivado dende o orixinal o 28 de abril de 2019. Consultado o 10 de xuño de 2005.
• "Alpheus Hyatt II Papers". Syracuse University Library.
• Whyld, Bea (maio-xuño de 2005). "Anna Hyatt Huntington and the Huntington Great Danes". Subrosa: The Huntington Rose and Perennial Gardens Newsletter 42. Arquivado dende o orixinal o 25 de setembro de 2020. Consultado o 23 de decembro de 2008.
• National Academy of Sciences Biographical Memoir