futbolista español From Wikipedia, the free encyclopedia
Alberto Ramón Casal Arantes, máis coñecido como Casal, nado en Vigo o 22 de agosto de 1970, é un exfutbolista galego. Xogaba de porteiro. Actualmente é o adestrador de porteiros do Deportivo da Coruña.
Casal | |||
---|---|---|---|
Información persoal | |||
Nome | Alberto Casal Arantes | ||
Nacemento | 22 de agosto de 1970 (54 anos) | ||
Lugar de nacemento | Vigo | ||
Altura | 1,84 m. | ||
Posición | Porteiro | ||
Información de club | |||
Club actual | Deportivo da Coruña (adestrador de porteiros) | ||
Carreira sénior | |||
Anos | Equipos | Aprs | (Gls) |
Cultural Areas | |||
1992–1993 | Gran Peña | ||
1993–1994 | Celta Turista | ||
1994–1996 | Racing de Ferrol | ||
1996–1998 | Cerceda | (1) | |
1998–1999 | Endesa As Pontes | ||
1999–2001 | Lugo | ||
2001–2003 | Atlético Arteixo | ||
2003–2004 | Racing Vilalbés | ||
2004–2007 | Laracha | ||
Partidos e goles só en liga doméstica. [ editar datos en Wikidata ] | |||
Formouse nas categorías inferiores do Celta de Vigo e xogou no Celta Turista, ademais de no Cultural Areas e o Gran Peña. Aos 24 anos marchou cedido ao Racing de Ferrol, en Segunda División B para a tempada 1994/95.[1] Ao rematar o curso desvinculouse co Celta e asinou polo Racing por outra tempada.[2] Con todo, no club ferrolán non dispuxo apenas de minutos fronte ao porteiro titular, Luis César Sampedro.
Na tempada 1996/97 pasou a xogar no CCD Cerceda ata que en abril de 1998 fichou como novo porteiro do Endesa As Pontes, que tiña lesionados os porteiros do primeiro equipo.[3] En xuño de 1999 foi anunciado como novo porteiro do Club Deportivo Lugo.[4] No club lucense, adestrado por Fabri, chegou a gañar a titularidade en detrimento do histórico porteiro Xosé Domínguez.[5]
En 2001 incorporouse ao Atlético Arteixo, de Terceira División, club no que xogou dúas tempadas e que deixou para xogar no Racing Vilalbés de Rexional Preferente. Na tempada 2004-05 asinou polo Laracha, un recentemente ascendido á 3ª División, con José Luís Vara como adestrador. No club larachés gañou o trofeo ao porteiro menos goleado no seu primeiro ano e foi o segundo menos goleado no segundo ano, desempeño excepcional que lle serviu ao Laracha para rematar en 5ª e 3ª posición respectivamente. Con todo, no terceiro ano na categoría o club acabou descendendo, sendo esta a última tempada de Casal como xogador.
Ao deixar de xogar ao fútbol, Casal pasou a exercer como adestrador de porteiros. Realizou dita función no Montañeros CF, Cidade de Santiago e Bergantiños FC, ata que en 2012 se incorporou á Ponferradina, en Segunda División.[6] Tras seis anos no club berciano,[7] en xullo de 2018 pasou ao Deportivo Fabril,[8] do que se ocupou dous anos até agosto de 2020, cando foi anunciado como novo adestrador de porteiros do Deportivo da Coruña na súa nova etapa en Segunda División B.[9]